Scutum-Centaurus-arm

in Wikipedia, die vrye ensiklopedie
Die struktuur van die Melkweg se spiraalarms.

Die Scutum-Centaurus-arm (ook bekend as die Scutum-Crux-arm) is ’n lang, uitgespreide krom stroom sterre, gas en stof wat vanaf die lang staaf van die Melkweg na buite kronkel. Omdat die Melkweg ’n staafsterrestelsel is, is die stroom sterre bekend as ’n spiraalarm. Dit is een van twee groot spiraalarms en lê tussen die klein Carina-Sagittarius-arm en die Perseus-arm, die ander groot arm. Die Scutum-Centaurus-arm begin naby die kern as die "Scutum-arm" en draai dan stelselmatig in die "Centaurus-arm".[1]

Die streek waar die arm met die staaf in verbinding kom, is ryk aan stervormingsgebiede. In 2006 is ’n groot sterreswerm met nuwe sterre wat 14 rooi superreuse bevat het, daar ontdek en RSGC1 genoem. In 2007 is ’n swerm van sowat 50 000 nuwe sterre met die naam RSGC2 net ’n paar honderd ligjare van daar af ontdek; daar word geglo dit is jonger as 20 miljoen jaar en bevat 26 rooi superreuse, die grootste groep van sulke sterre bekend.[2] Ander swerms in hierdie gebied sluit in RSGC3 en Alicante 8.[3]

Verwysings[wysig | wysig bron]

  1. Churchwell, Ed (2009). "The Spitzer/GLIMPSE Surveys: A New View of the Milky Way" (pdf). Publications of the Astronomical Society of the Pacific. 121: 213–230. Bibcode:2009PASP..121..213C. doi:10.1086/597811. {{cite journal}}: Onbekende parameter |coauthors= geïgnoreer (hulp)
  2. Shiga, David (9 Augustus 2007). "Largest swarm of giant stars is a 'supernova factory'". NewScientist.com news service. Geargiveer vanaf die oorspronklike op 24 September 2008. Besoek op 10 November 2012.
  3. Negueruela, I.; González-Fernández, C.; Marco, A.; Clark, J.S.; Martínez-Núñez, S. (2010). "Another cluster of red supergiants close to RSGC1". Astronomy and Astrophysics. 513: A74. Bibcode:2010A&A...513A..74N. doi:10.1051/0004-6361/200913373.

Hierdie artikel is vertaal uit die Engelse Wikipedia