Seepkis
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Seepkis is 'n tydelike platform waarop gestaan word om 'n toespraak te lewer.[1] In die 19de eeu is seep en ander goedere in houtkratte verskeep. As iemand 'n nuwe of ongewone idee gehad het, en dit met die skare wou deel, sou die persoon op 'n leë seepkis klim sodat almal hom kon sien en hoor.
Deesdae gebruik mense eerder 'n podium vir die lewer van toesprake. Die term word egter steeds metafories gebruik om na iemand te verwys wat idees (veral goedkoop propaganda) aan die wêreld verkondig. Voorbeelde hiervan: "Koos is op sy seepkis", "klim van jou seepkissie af" of "hierdie seepkisredenaar praat nonsens".
'n Webjoernaal (blog) kan as 'n moderne vorm van 'n seepkis beskou word. Op sulke webjoernale publiseer die eienaar sy persoonlike idees vir wie ook al belangstel om dit te lees.
Verwysings[wysig | wysig bron]
- ↑ "Soapbox". Merriam-Webster dictionary. Geargiveer vanaf die oorspronklike op 20 Mei 2011. Besoek op 1 Desember 2007.
 |
Wikimedia Commons bevat media in verband met Seepkis. |
