Sekondêre Skool Delta

in Wikipedia, die vrye ensiklopedie
Sekondêre Skool Delta
Gestig 1970
Tipe Staatskool
Hoof Angelika Jacobie
Personeel 30
Leerlinge 580
Grade 1-12
Stad Windhoek
Provinsie Khomas
Land Namibië
Webblad www.delta-school.com

Die Sekondêre Skool Delta (afkorting DSW, Engels: Delta School Windhoek, Duits: Delta Schule Windhoek) is 'n openbare skool in Olympia, 'n stadsdeel van die Namibiese hoofstad Windhoek. Dit het tot en met 1990 bekend gestaan as Deutsche Oberschule Windhoek (DOSW).

Die DSW is oorspronklik as 'n Duitsmediumskool in 1970 met 320 leerders en dertien onderwysers gestig, maar word sedert die onafhanklikwording van Namibië deur sowat 40 persent nie-Duitssprekende leerders bygewoon. Oor die jare heen het die DSW tot een van die leidende onderwysinstellings in Windhoek ontwikkel, met byna 600 leerders en 30 onderwysers. Die onderrigmedium is naas Duits ook Engels, vanaf die vyfde graad hoofsaaklik Engels.

Die skool beskik oor 'n koshuis wat in 2009 vir 37 kinders voorsiening gemaak het. Met Future Education is 'n skoolprojek in die lewe geroep wat op namiddae aktiwiteite vir leerders aanbied.

Net soos ander Namibiese skole bied die DSW sedert 2007 die Namibia Senior Secondary Certificate (Namibië se Senior Sekondêre Skoolsertifikaat) as hoogste sertifikaat (graad 12) aan.

Eksterne skakels[wysig | wysig bron]

Koördinate: 22°35′58″S 17°5′47″O / 22.59944°S 17.09639°O / -22.59944; 17.09639