Seksuele fetisjisme

in Wikipedia, die vrye ensiklopedie
Spring na: navigasie, soek
’n Voetfetisj is een van die algemeenste soorte fetisj.

Seksuele fetisjisme of erotiese fetisjisme is ’n vorm van fetisjisme waar ’n persoon seksuele genot put uit ’n fisieke voorwerp, situasie of liggaamsdeel. Die voorwerp of situasie word die fetisj genoem, en die persoon wat ’n fetisj daarvoor het, is ’n fetisjis.[1] ’n Seksuele fetisj kan wissel van ’n praktyk wat ekstra plesier in ’n verhouding verskaf, soos een maat wat ’n sekere kledingstuk dra, tot ’n afwyking wat groot psigologiese stres veroorsaak by die fetisjis.[2]

Naam en konsep[wysig]

Die term "fetisj" kom van die Franse woord fétiche, wat weer uit Latyn afgelei is van facticius ("kunsmatig") en facere ("om te maak"). ’n Fetisj in die algemeen is ’n voorwerp wat volgens sekere mense bonatuurlike magte het. Die term "seksuele fetisj" is die eerste keer deur die Franse sielkundige Alfred Binet gebruik.[3][4]

’n Fetisjis raak opgewonde wanneer hulle dink aan iets wat met die fetisj verband hou of dit sien. Dit word dikwels in pornografie gebruik wat gerig is op mense met ’n spesisfieke smaak. ’n Fetisj kan veral aanvanklik baie stres by iemand veroorsaak, maar later in ’n persoon se lewe kan hy kontak maak met ander mense met ’n soortgelyke fetisj. Dit is veral deesdae maklik danksy die internet. ’n Groot mate van fetisjisme kom ook in BDSM voor.

Voorbeelde[wysig]

Voorbeelde van seksuele fetisje is:

  • Voete
  • Hare
  • Rubber en lateks
  • Luiers
  • Urine (watersports)
  • Tekkies
  • Vroueklere (by mans)
  • Bloed

Verwysings[wysig]

  1. Common Misunderstandings of Fetishism”. K. M. Vekquin. URL besoek op 24 Mei 2010.
  2. Disorders of psychological development(F80-F89)”. World Health Organization. URL besoek op 11 Desember 2011.
  3. Binet, A. (1887). "Du fétichisme dans l’amour" [=Fetishism in love] in: Revue Philosophique, 24, pp. 143–167
  4. Du Fétichisme dans l'amour”. URL besoek op 14 August 2009.