Selfie

in Wikipedia, die vrye ensiklopedie
Spring na: navigasie, soek
'n Jong dame se selfie.

'n Selfie is 'n foto wat iemand van hom- of haarself neem. Die persoon wat die foto neem is dus self op die foto (in 'n spieël of met een of beide arms) sigbaar. So 'n selfie word gewoonlik met 'n selfoon of digitale kamera geneem. Die gebruik is veral gewild by jongmense.

'n Selfie kan gebruik word as avatar op webtuistes of ander sosiale media. Dit kan ook geneem word as bewys dat 'n persoon iets gedoen het, iets aangehad het of by 'n bepaalde plek was. Andersyds kan ook die resultaat van 'n ledige gespelery wees.

In 2013 is die woord "selfie" in verskeie woordeboeke opgeneem, onder andere:

  • Van Dale Groot woordenboek van de Nederlandse taal[1]; en
  • Oxford English Dictionary.[2]

Geskiedenis[wysig]

Sover bekend is die woord 'selfie' vir die eerste keer op 13 September 2002 op 'n Australiese aanlyn forum gebruik. 'n Persoon het om verskoning gevra vir die publikasie van 'n onduidelike foto, deur te skryf: "And sorry about the focus, it was a selfie."[3]

In 2004 verskyn die woord as etiket op Flickr. Sedert 2012 word dit algemeen gebruik. Aanvanklik is dit met 'n 'y' aan die einde gespel, later het die 'ie' meer gebruiklik geword.

Fotogalery[wysig]

Verwysings[wysig]

Commons-logo.svg
Wikimedia Commons het meer media verwant aan:
Selfie (kategorie)
  1. 'Selfie' en 'wazzup' opgenomen in de Dikke van Dale
  2. Coulthard, Charissa, "Self-portraits and social media: The rise of the 'selfie'", BBC News online, 7 Junie 2013. URL besoek op 6 April 2013.
  3. Selfie, Oxford Dictionaries Word of the Year 2013 blog.oxforddictionaries.com, 19 November 2013