Senseo

in Wikipedia, die vrye ensiklopedie
Spring na: navigasie, soek
Die eerste generasie Senseo-koffiemasjiene is in 2001 op die Nederlandse mark ingevoer
'n Koffie-kussinkie bevat gemaalde koffiebone wat reg is vir een of twee koppies koffie
Hierdie spesiale cappuccino-kussinkie bevat 'n bykomende laag melkpoeier

Senseo is 'n handelsmerk vir 'n stelsel van koffiemasjiene en klein porsies koffie - sogenaamde koffie-kussinkies - wat in 2001 deur die Nederlandse maatskappy Philips in samewerking met die Nederlandse koffievervaardiger Douwe Egberts ontwikkel is.

Die handelsnaam Senseo verwys sowel na die koffiemasjiene (vervaardiger: Philips) asook die spesiale koffie-kussinkies wat gebruik word om een of twee koppies koffie te berei. Aanvanklik was Douwe Egberts die enigste vervaardiger van koffie-kussinkies op die Europese mark, maar intussen bied ook 'n aantal ander vervaardigers koffie in kussinkies vir die gebruik in Senseo- en ander kussinkie-masjiene aan.