Shapley-superswerm

in Wikipedia, die vrye ensiklopedie
Spring na: navigasie, soek
Shapley-superswerm
Sterrebeeld Sentour
Regte klimming 13h 25m[1]
Deklinasie -30º 0' 0"[2]
Afstand 200 miljoen parsek (625 miljoen ligjare)
Ander name Shapley-konsentrasie, SCl 124

Die Shapley-superswerm of Shapley-konsentrasie (SCl 124) is die grootste versameling sterrestelsels in ons nabye heelal (tot 700 miljoen ligjare van die Aarde af). Dit word deur die swaartekrag van sy sterrestelsels bymekaargehou in plaas daarvan om saam met die heelal uit te dy. Dit kom voor as ’n duidelike konsentrasie van sterrestelsels in die sterrebeeld Sentour en is 650 miljoen ligjare van die Aarde af (z=0,046).

Daar is deesdae hernude belangstelling in die Shapley-superswerm omdat dit baie naby lê aan die rigting waarin die Plaaslike Groep sterrestelsels (insluitende ons Melkweg) beweeg teen ’n snelheid van sowat 600 km/s. Dit laat baie sterrekundiges vermoed dat dit een van die hoofredes is vir ons sterrestelsel se vreemde beweging – die Groot Aantrekker is dalk ’n ander rede.

Verwysings[wysig]

Eksterne skakels[wysig]