Sharp PC-1500

vanuit Wikipedia, die vrye ensiklopedie.

Die Sharp PC-1500 met drukker/dromplotter in reistas.

Die Sharp PC-1500 was 'n sakrekenaar wat met 'n 8-bis SVE (sentraleverwerkingseenheid) en 8kB ingeboude geheue in 1982 op die mark gekom het. 'n Ekstra CE-155 8kB geheuemodule was as opgradering beskikbaar. Die programmeringstaal was BASIC en dit het ook heelwat wetenskaplike funksies beheers. Later het 'n paar Duitse ingenieurs die sisteem geknak en ook 'n saamsteltaal daarvoor te koop aangebied. Die ontwerp was soortgelyk aan die Zylog Z80 SVE, maar alle elektroniese kringe was in CMOS-tegnologie uitgevoer om 'n klein stroomverbruik en dus 'n langer batterylewe te bied. Later het selfs die rekenaartaal, C, gevolg.

Die oorspronklike vervaardiger was Sharp, maar dit is ook in die VSA onder die naam TRS-80 PC-2 bemark. Die direkte opvolgmodel was die PC-1500A, wat al goedkoper was en meer geheue gehad het.

Sharp PC-1500 Sakrekenaar (Pocket Computer)

Sharp PC-1500 Geheuemodule (8kB) (Memory Module)

Sharp PC-1500, 26 alfanumeriese karakter vloeistofkristalvertoon (LCD). Die ses programmeerbare sleutels (toetse, programmable/function keys) is ook goed sigbaar, met grys agtergrond.

[wysig] Tegniese gegewens

• 26 alfanumeriese karakter vloeistofkristalvertoon, met 156x7 beeldelemente.
• Ingeboude luidspreker.
• Ingeboude intydse horlosie
• Uitbreidings poort vir drukker en bandspeler, ens.
• Batteryslot
• Aansluiting vir 'n eksterne kragbron (6V)

[wysig] Toebehore

• CE-150 Drukker/Plotter en Kassetkoppelvlak in reistas
• CE-155 (8kB) Geheuemodule/kassetslot
• CE-158 Serie- (RS-232C) en parallelkoppelvlakke met 4 herlaaibare (permanent ingeboude) NiCd-batterye (AA) as addisionele kragbron vir die rekenaar.

[wysig] Verwante Sharp-sakrekenaars

• Sharp PC-1210
• Sharp PC-1211
• Sharp PC-1251
• Sharp PC-1500
• Sharp PC-1500A met meer geheue
• Sharp PC-1501
• Sharp PC-1600 met meer geheue en 'n groter LCD-skerm met grafika

[wysig] Voorbeeld van programmering in BASIC

 1 ARUN 10
 5 REM   "PC1500 VAT Program:"
10 INPUT "Prys: ";R
20 PRINT R;"  ";V*R;"  ";R*V*M   
30 GOTO 10
40 END

'n PC-1500 spesiale afgekorte sintaks kan soos volg lyk:
20 PRINT R;"  ";VR;"  ";RVM

[wysig] Gebruik van veranderlikes:

R = Rand-waarde aankoopprys
V = VAT (%/100) - (BTW) moet met die hand ingevoer word voor berekenings begin, bv.: V=1.14 (Enter)
M = Prysverhoging (%/100) - moet met die hand ingevoer word voor berekenings begin, bv.: M=1.15 (Enter)

[wysig] Vertoon van die antwoorde is soos volg:

Antwoord1; Antwoord2; Antwoord3
Aankoopprys; BTW-prys; Verkoopsprys
Waarde: R; Waarde: R*V; Waarde: R*V*M

[wysig] Beskrywing:

Reël 1 Die ARUN-bevel begin die program outomaties en gaan na reël 10 wanneer die rekenaar aangesit word.
Reël 5 Dit is die REMARK-stelling (gebruik om kommentaar in te voeg).
Reël 10 Die INPUT-bevel vra vir inset vanaf die gebruiker en stoor die waardes in die veranderlike "R".
Reël 20 Die PRINT-bevel vertoon die berekende resultate soos volg, bv.: 100   114   142.5. Die afgekorte skryfwyse is spesiaal vir PC-1500 toelaatbaar, omdat dit slegs enkel letter plekhouers en matrikse kan verwerk. Dit spaar stoorplek!
Reël 30 Die GOTO-bevel laat die program terug spring na reël 10, om weer oor te kan begin
Reël 40 Die END-bevel is die laste in die program, alhoewel dit hier nie eintlik nogig is, is dit korrek om dit tog te gebruik.

[wysig] Eksterne skakels

Sharp programeerbare rekenaars (oorsig) (engels: Sharp Programmables)
PC1500 Spesifikasies (engels: PC-1500 Data Sheet)

Hierdie artikel is 'n saadjie. Voel vry om Wikipedia te help deur dit uit te brei.