Shelflife Records

in Wikipedia, die vrye ensiklopedie

Shelflife Records is 'n platemaatskappy wat in Portland en San Francisco in die VSA gebaseer is en deur Ed Mazzucco en Matthew Bice bestuur word. Die platemaatskappy het al ooreenkomste met groepe soos Days, Acid House Kings en The Radio Dept. gehad.

Geskiedenis[wysig | wysig bron]

Shelflife Records het in 1995 in 'n slaapkamer in 'n suid-Kaliforniese voorstad ontstaan, wat hy saam met 'n posorder- en verspreidingsdiens begin het. Ed Mazzucco, 'n aanhanger van 1980'er Engelse popmusiek en geïnspireer deur plate-etikette soos Factory en Sarah, het die Shelflife-etiket van stapel gestuur sodat hy uitlandse indiepopgroepe aan Amerikaanse gehore kon blootstel. Shelflife se eerste vrystelling was die 1996 versamelalbum Whirl-Wheels wat snitte van Club 8, Boyracer, La Buena Vida, en Mazzucco se eie groep, The Autocollants, ingesluit het.

Mazzucco het Shelflife in 1997 na New York Stad verskuif, waar hy langtermyn samewerkingsooreenkomste met grafiese ontwerper Jill Bliss en vervaardiger Jon Chaikin gesluit het. Die posorder- en verspreidingsdiens is gestaak sodat meet tyd aan die platemaatskappy bestee kon word, wat teen dié tyd kontrakte met 'n groeiende aantal kunstenaars aangegaan het. Hierdie skuif het die einde van die etiket as tydsverdryf beteken en die etiket het Mazzucco se voltydse kommersiële nastrewe geword. Gedurende die laat 1990's het die toenemende gewildheid van tweepop- en indiemusiek groeiende erkenning aan Shelflife as noemenswaardige platemaatskappy besorg. Vanaf 1998 tot 2001 was die etiket gasheer tot The September Set, 'n jaarlikse skoukas van regstreekste popmusiek van kunstenaars op Shelflife en ander etikette.

In Junie 2007 het Mazzucco en Bice die etiket wederlanseer met die nuwe oog daarop om kuns met musiek te meng.

Bronne[wysig | wysig bron]

Eksterne skakels[wysig | wysig bron]