Shenzhoupterus chaoyangensis
| Shenzhoupterus Tydperk: Vroeë Kryt 120M jaar gelede |
||||||||||||||||
|---|---|---|---|---|---|---|---|---|---|---|---|---|---|---|---|---|
| Wetenskaplike klassifikasie | ||||||||||||||||
|
||||||||||||||||
| Spesies | ||||||||||||||||
|
Shenzhoupterus chaoyangensis is 'n pterosauriër wat tydens die Vroeë Kryt-tydperk geleef het in die gebied van die huidige Volksrepubliek van Sjina.
Die soort is in 2008 beskryf deur Lü, Unwin en Zhang op grond van 'n volledige fossiel uit die Jiufotangformasie (vroeë Aptien, ongeveer 120 miljoen jaar gelede) in die provinsie Liaoning. Die geslagsnaam verbind 'n ou naam vir Sjina, 神州 of Shenzhou, "die Goddelike land", met die Griekse pteron, "vleuel" wat baie in pterosauriërname gebruik word. Die soortaanduiding verwys na die Sjinese distrik Tsjaojang waar die fossiel gevind is.
Die holotipe, HGM 41HIII-305A (Henan Geological Museum, in Zhengzhou), bestaan uit 'n enkel plaat, baie goed bewaar, van 'n ongeskonde geraamte insluitende die skedel. Die geheel rus op sy kant wat tot gevolg gehad het dat vlerke, rompdele en pote deurmekaar lê. Die beendere is baie platgedruk.
Shenzoupterus het 'n vlerkspan van 140 sentimeter gehad en was tandeloos. Die skedel was relatief groot, 225 millimeter en langer as die hele werwelkolom, en het 'n groot en hoë opening vir die oogbank, 'n fenestra nasoantorbitalis, wat van die punt van die snawel deurloop tot aan die ewe-eens hoë plato; tesame vorm hulle 'n bol en hoë kamvormige struktuur op die kop, wat eindig in 'n uitstekende dwarshout aan die agterkant. Die snoet was redelik kort en spits, sodat die skedel as geheel 'n gedronge indruk maak. Die oogkasse was klein en redelik laag geleë. Die nekwerwels was sterk verleng en saam langer as die romp. Die rugwerwels was nie vergroei in 'n notarium nie. Die vleuelvingers was vry kort. Die pote was 32 sentimeter lank. Die vergroeiing van die bene dui op 'n vry jong maar nie meer vinnig groeiende eksemplaar.
Senzhoupterus word as gevolg van 'n nuwe kladistiese analise deur die beskrywers geplaas binne 'n nuwe familie binne die Azhdarchoidea, die Chaoyangopteridae, wat gesien word as 'n klade waartoe ook Chaoyangopterus , Jidapterus, Eoazhdarcho en Eopteranodon behoort.
Literatuur [wysig]
- Junchang Lü, David M. Unwin, Li Xu en Xingliao Zhang, 2008, "A new azhdarchoid pterosaurs from the Lower Cretaceous of China and its implications for pterosaurs Phylogeny and evolution",Naturwissenschaften,95: 891-897 / DOI : 10.1007/s00114-008-0397-5
| Hierdie artikel is in sy geheel of gedeeltelik vanuit die Nederlandse Wikipedia vertaal. |
