Shetland

in Wikipedia, die vrye ensiklopedie
Spring na: navigasie, soek
Sealtainn / Isles of Shetland
Shetland-eilande
Flag of Shetland.svg
(Vlag van Shetland) (Landswapen van Shetland)
Ligging van Shetland in Skotland
Land Flag of Scotland.svg Skotland
Amptelike tale Engels, Skots-Gaelies
Hoofstad Lerwick
60°09′N 01°09′W
Grootste stad Lerwick
Aantal eilande (waarvan bewoon) 100 (15)
Grootste eiland Mainland (967 vk km)
Administrasie Skotse raadsgebied (council area)
Plaaslike raad Raad van die Shetland-eilande
Regeringsparty Onafhanklikes
Oppervlakte
 - Totaal
 - % water

1 466 vk km
- %
Bevolking
  2008 (skatting)
 - Bevolkingsdigtheid

22 000
15/vk km
Inlywing by Noorweë Geannekseer in 1195
Inlywing by Skotland Geannekseer in 1469
Tydsone UTC +0
Wfm shetland map.png

Shetland (Skots-Gaelies: Sealtainn, Engels: Isles of Shetland of Shetland Islands) is 'n Skotse eilandgroep wat uit die hoofeiland Mainland en naastenby 100 kleiner eilande bestaan. Shetland word deur die Noordsee van die Skotse eilande Orkney geskei en in die noorde lê die Deense Faroëreilande. Die grootste nedersetting en administratiewe sentrum is Lerwick.

In administratiewe opsig vorm Shetland een van die 32 raadsgebiede (council areas) van Skotland en 'n kiesafdeling van die Skotse parlement.

Shetland word reeds sowat 5 500 jaar lank deur mense bewoon. Die eerste bewoners was Neolitiese stamme en later Pikte totdat die eilandgroep in 1195 ná 'n Wiking-inval deur Noorweë geannekseer en deur Noorse setlaars gekoloniseer is. In 1469 is Orkney deur die Skotse Kroon geannekseer nadat 'n bruidskat nie betaal is nie.

Klimaat[wysig]

Danksy die invloed van die warm Golfstroom word Shetland deur 'n gematigde, maar vogtige seeklimaat gekenmerk. Die Golfstroom vloei in noordoostelike rigting aan die wateroppervlak van die Atlantiese Oseaan en bring ook warm lugmassas uit die gebied van die Golf van Mexiko saam sodat Shetland se gemiddelde temperature nie sy noordelike ligging weerspieël nie.

Die verskil tussen die gemiddelde temperature van somer en winter beloop minder as 10 °C - tydens die relatief milde winters daal die kwik tot 'n gemiddelde temperatuur van tussen 0 en 5 °C, terwyl in die somer 'n gemiddelde van 10 °C aangeteken word. Maksimum-temperature is nie hoër as 19 °C nie.