Sinoniem

in Wikipedia, die vrye ensiklopedie
Spring na: navigasie, soek

Sinonieme is woorde wat min of meer dieselfde betekenis het, byvoorbeeld:

  • Die afrigter/breier van 'n span; en
  • Om 'n afkeer van/hekel aan iets te hê.

Alhoewel twee woorde soms min of meer dieselfde beteken, is die nie vanselfsprekend dat albei ewe goed op elke plek inpas nie, want die gevoelswaarde en toon kan verskil:

  • Die heelal is oneindig/eindeloos

Eindeloos en oneindig beteken albei sonder einde, maar oneindig beteken ook buitengewoon groot of onbegrens. Eindeloos druk soms 'n negatiewe gevoel uit:

  • Hulle het oor die eindelose sandduine voortgestrompel.

Voorbeelde[wysig]

Voorbeelde van sinonieme:

  • aanhaal — siteer
  • aanwesig — teenwoordig
  • aborsie — vrugafdrywing
  • advertensie — reklame
  • bly – opgewonde, opgeruimd
  • bang – bevrees, beangs, vreesbevange
  • chemie — skeikunde
  • dwing — forseer
  • ellendig — miserabel
  • folter — martel
  • giftig — toksies
  • jaloesie — afguns
  • kwaad – woedend, boos, omgekrap
  • komieklik — koddig
  • lessenaar — skryftafel
  • moeg – uitgeput, tam, energieloos
  • periode — tydperk
  • teenstander — opponent
  • tydperk — periode
  • wanhopig — desperaat
  • wins — profyt

Sien ook[wysig]

  • Antoniem, woorde wat teenoorgestelde betekenis het.
  • Homoniem, woorde wat dieselfde spelling het en dieselfde klink, maar die betekenisse verskil.
  • Homofoon, woorde wat eenders klink, maar die betekenis en spelling verskil.
Wiktionary-logo-en.svg Vir woordeboekinligting, sien die bladsy sinoniem op WikiWoordeboek