Sint-Genesius-Rode
| Sint-Genesius-Rode Rhode-Saint-Genèse |
|
 |
|
 |
|
| Koördinate: | |
| Land | .svg){kind=small} België |
|---|---|
| Gewes (deelstaat) |  Vlaandere |
| Provinsie |  Vlaams-Brabant |
| Regering | |
| - Burgemeester | Myriam Delacroix-Rolin (IC-GB) |
| Oppervlak | |
| - Munisipaliteit | 22,77 km² (8,8 vk m) |
| Bevolking (1 Januarie 2011) | |
| - Munisipaliteit | 17 952 |
| - Digtheid | 788/km² (2 040,9/myl2) |
| Poskode | 1640 |
| Skakelkode(s) | 02 |
| Webwerf: www.sint-genesius-rode.be | |
Sint-Genesius-Rode (Frans: Rhode-Saint-Genèse) is 'n stad in die Nederlandstalige Belgiese provinsie Vlaams-Brabant met 'n oppervlak van 22,77 vierkante kilometer en sowat 18 000 inwoners (2011). Sint-Genesius-Rode is een van die voorstede van die Belgiese hoofstad Brussel, wat Franse taalfasiliteite aanbied, alhoewel dit in die Nederlandstalige gewes Vlaandere lê.
Bevolking [wysig]
Tans is sowat sestig persent van die bevolking Franstalig, terwyl veertig persent Nederlands praat. Daar is ook minderhede van EU-burgers (veral medewerkers van internasionale ondernemings en organisasies) en Amerikaners.
Geskiedenis [wysig]
Vanweë sy ligging tussen Brussel en Waals-Brabant en ook danksy die spoorwegverbinding tussen Brussel en Eigenbrakel (Frans: Braine-l'Alleud) vestig talle Brusselaars en Wale hulle in die 20ste eeu in Sint-Genesius-Rode. In 1963 kry die stad taalfasiliteite vir sy Franstalige bewoners. Die stad word in 1995 deel van die nuwe provinsie Vlaams-Brabant.
