Skermutselinge van die Tweede Vryheidsoorlog

Die eerste fase van die Tweede Vryheidsoorlog het uit tradisoinele front aanvalle en loopgraaf oorlog bestaan. Die laaste frontale aanslag was die Slag van Bergendal. Maar reeds voor dit het die Boeremagte oorgegaan tot guerilla-oorlogvoering. Hier is 'n lys skermutselinge wat plaasgevind het:

1900

• 10 Maart - Slag van Abrahamskraal.
• 25 Maart - Slag van Brandfort.
• 31 Maart - Sannaspos, Vrystaat
• 4 April - Reddersburg, Vrystaat. Genl. De Wet neem 'n Britse garnisoen van 600 man gevange.
• 10 April - Beleg van Wepener, Vrystaat deur Genl. De Wet. Die garnisoen hou vir 16 dae uit.
• 31 Mei - Lindley, Vrystaat. Genl Piet de Wet verslaan die 13th Battalion Imperial Yeomanry, dood en wond 80 soldate en neem 530 Britse soldate gevangene.
• 7 Junie - Roodewal, Vrystaat. Genl. De Wet neem 486 Britse soldate gevange en buit 56 waens met voedsel en voorrade ammunisie.
• 11 - 12 Junie - Slag van Donkerhoek.
• 11 Julie - Silkaats Nek, Transvaal. Genl. De la Rey neem 189 soldate van die Scots Greys and Lincolns gevange.
• 15 - 31 Julie - Brandwater, Vrystaat. Genl. Marthinus Prinsloo gee oor met 3,000 man aan die Britse Magte.
• 6 November - Bothaville, Vrystaat. Pres. M.T. Steyn en Genl. De Wet word verras deur Majoor-Generaal Knox maar slaag tog daarin om te ontsnap.
• 19 November - Generaal Christiaan de Wet val die die garnisoen by Dewetsdorp aan. Hulle gee oor na vier dae.
• 13 Desember - Nooitgedacht, Transvaal. Genls. De la Rey, J.C. Smuts en C.F. Beyers oorrompel 'n Britse kamp onder beheer van Majoor-Generaal RAP Clements.
• 29 Desember - Helvetia, Transvaal. Genl. Ben Viljoen verras 'n Britse garnisoen en neem 235 soldate gevange.

1901

• 31 Januarie - Modderfontein, Transvaal.
• 10 - 28 Februarie - De Wet val die Kaap binne.
• 4 September - Smuts val die Kaap binne.
• 17 September - Elandsrivier op die plaas Moddefontein: Genl. Smuts val 'n buite pos, beman deur die 17th Lancer, aan
• 17 September - Bloedrivierpoort, Natal. Genl. Louis Botha oorrompel die Mounted Infantry onder beheer van Luitenant-Kolonel H de la P Gough.
• 26 September - Onsuksesvolle aanvalle op die Britse forte Itala en Prospect, Natal deur Genl. Botha.
• 24 Oktober - Slag van Kleinfontein naby Groot Marico, Wes-Transvaal.
• 30 Oktober - Bakenlaagte, Transvaal. Genl Louis Botha val 'n Britse mag aan onder beheer van Luitenant-Kolonel G.E. Benson. Benson sterf tydens die aanval.
• 25 Desember - Tweefontein, Oos-Vrystaat. Genl. De Wet verslaan 'n klein Britse mag.

1902

• 25 Februarie - Ysterspruit, Wes-Transvaal. Genl. De la Rey val 'n Britse mag aan en buit muile, perde en 500 000 rondtes ammunisie.
• 7 Maart - Tweebosch, Wes-Transvaal. Genl. De la Rey word aangeval deur Lord Methuen maar slaan die aanval af, wond en neem Methuen gevange.
• 31 Maart - Boschbult, Wes-Transvaal. Genl. De la Rey raak slaags met Britse magte met swaar ongevalle aan beide kante.
• 1 April - Boschman's Kop, Transvaal. Britse magte verras Genls. H.A. Alberts en P.R. Viljoen. Hulle hergroepeer, val die Britse magte aan en verdryf hulle gedurende die dag.
• 11 April - Rooiwal, Wes- Transvaal.
• 6 Mei - Holkrans, Natal. 56 Boere word doodgemaak deur Zoeloes.

Bron

The Hall Handbook of the Anglo Boer War. Darren Hall. 1999. ISBN 0-86980-949-0