Skewe Toring van Pisa

Skewe Toring van Pisa*
Unesco-wêrelderfenisterrein
Die Skewe Toring van Pisa.
Skewe Toring van Pisa Ligging van die Skewe Toring van Pisa in Italië
Koördinate: 43°43′23″N 10°23′47″O
Lande	Italië
Tipe	Kultureel
Kriteria	i, ii, iv, vi
Verwysings	395
Streek†	Europa
Inskripsiegeskiedenis
Inskripsie	1987  (11de Sessie)
* Naam soos dit in die Wêrelderfenislys verskyn. † Streek soos deur Unesco geklassifiseer.

Die Skewe Toring van Pisa (Italiaans: Torre pendente di Pisa) is 'n losstaande kloktoring van die katedraal in die Italiaanse stad Pisa en vorm deel van die Domplein. Kort nadat die bouery in 1173 begin is, het die fondasie ongelyk geset. Konstruksie is gestaak en eers 'n honderd jaar later weer voortgesit. Van die begin af was dit duidelik sigbaar dat die Toring van Pisa na suid leun.

Sedert gereelde opmeting van die toring in 1911 begin is, het die bokant van die toring 1,2 millimeter per jaar geskuif. Vandag is die bokant van die toring sowat 3,9 meter van die middelpunt af. In 1987 is die toring as 'n wêrelderfenisgebied verklaar.

Nadat die kloktoring van die Katedraal van Pavia in 1989 in duie gestort het, het die Consorzio Progetto Torre di Pisa (Toring van Pisa Projekkonsortium) ingenieurs aangestel om die skewe toring te stabiliseer. Omdat die toring in die eerste paar jaar in verskillende rigtings begin oorhel het, is dit effens gebuig, soos 'n piesang.

In Mei 2008 het ingenieurs aangekondig dat die toring sodanig gestabiliseer is dat dit vir die eerste keer in die geskiedenis opgehou het om te beweeg. Die ingenieurs het aangedui dat dit vir nog 200 jaar stabiel sal wees. Die 800-jaar oue toring is dus steeds skeef.

Fotogalery

• 
  Aansig teen die toring op.
• 
  Ingang na die kloktoring.
• 
  Plaket ter nagedagtenis aan Galileo Galilei se eksperimente.
• 
  Eksterne loggia.
• 
  Binneste trappe van die sesde na sewende vloer.
• 
  Binneste trappe van die sewende na agtste (boonste) vloer.
• 
  Uitsig van die bokant.
• 
  Die Assunta-klok.
• 
  Die Pasquareccia-klok.
• 
  Gewigte van lood om die toring te probeer stabiliseer.

Eksterne skakels

• Wikimedia Commons het meer media in die kategorie Skewe Toring van Pisa.