Skopje

in Wikipedia, die vrye ensiklopedie
Spring na: navigasie, soek

Skopje
Landmarks of Skopje.JPG

Kaart Wapen
MKD muni nonn(Skopje).png
Coat of arms of Skopje.svg
Vlag
Flag of Skopje.png
 Land Vlag van Republiek van Macedonië Macedonië
 Stigting 146 v.C
 Oppervlakte:  
 - Totaal 1 854 vk km
 Hoogte bo seevlak 240 m
 Bevolking:  
 - Totaal (2005) 506 926
 - Bevolkingsdigtheid 273.422/vk km
 Etniese groepe:  
 - Masedoniërs 66%
 - Albaniërs 20%
 - Roma 4%
 - Ander 21%
 Burgemeester Trifun Kostovski
 Amptelike Webwerf skopje.gov.mk
Uitsig oor Skopje

Skopje is die hoofstad en ook die grootste stad van die Republiek van Masedonië (FYROM: Former Yugoslav republic of Macedonia). Dit is die land se politieke, kulturele, ekonomiese en akademiese sentrum. Dit was in die Romeinse tydperk bekend onder die naam Scupi.

Die grondgebied van Skopje bestaan al sedert ten minste 4000 v.C.; oorblyfsels van die Neolitiese nedersettings is in die ou Kale-vesting, wat uitkyk oor die moderne middestad, gevind. Op die vooraand van die 1ste eeu n.C., is die nedersetting in beslag geneem deur die Romeine en het dit 'n militêre kamp geword. Toe die Romeinse Ryk in Oos- en Weshelftes verdeel word in 395 n.C., kom Scupi onder die Bisantynse heerskappy van Konstantinopel. Gedurende die grootste deel van die vroeë Middeleeuse tydperk was die dorp 'n geskilpunt tussen die Bisantyne en die Bulgaarse Ryk, wie se hoofstad dit was tussen 972 en 992. Vanaf 1282 was die dorp deel van die Serwiese Ryk en sy hoofstad vanaf 1346. In 1392 is die stad verower deur die Ottomaanse Turke wat die dorp na Üsküp herdoop. Die dorp bly onder Ottomaanse beheer vir 500 jaar, waartydens dit dien as die hoofstad van Üsküb en later die Vilayet van Kosowo.

In 1912, word dit deur die koninkryk van Serwië geannekseer tydens die Balkynse oorloë en ná die Eerste Wêreldoorlog word die stad deel van die nuutgestigde Koninkryk van die Serwiërs, Kroate en Slowene (Koninkryk van Jugoslawië). Tydens die Tweede Wêreldoorlog word die stad verower deur die Bulgaarse Lëer, wat deel van die Spilmoondhede was. In 1944 word dit die hoofstad van die Demokratiese Macedonië (later Sosialistiese Republiek van Macedonië), wat 'n federale staat vorm as deel van die Demokratiese Federale Jugoslawië (later Sosialistiese Federale Republiek van Jugoslawië).

Die stad het vinnig ontwikkel na die Tweede Wêreldoorlog, maar hierdie groei word onderbreek in 1963 toe dit deur 'n rampspoedige aardbewing getref is. Sedert 1991 is dit die hoofstad van 'n onafhanklike Macedonië.