Skylab

in Wikipedia, die vrye ensiklopedie
Spring na: navigasie, soek
Skylab op 8 Februarie 1974

Skylab was die eerste Amerikaanse ruimtestasie wat om die Aarde gewentel het. Die ruimtestasie is op 14 Mei 1973 met 'n Saturnus V-vuurpyl die ruimte in gelanseer. Dit het 75 ton geweeg en het hoofsaaklik uit onderdele wat van die Apollo-program oorgebly het bestaan. Dit was die laaste lansering wat met die tipe vuurpyle uitgevoer is. Die stasie is tydens die lansering beskadig en een sonpaneel het afgebreek, terwyl die ander vasgehaak en ernstig deur 'n hitteskild beskadig is. Hierdie defekte is tydens 'n tweede missie herstel en die Skylab kon tydens verder missies gebruik word waarvoor dit bedoel was:

  • navorsing oor of mense vir lang tye in die ruimte kan woon en werk; en
  • uitbreiding van kennis oor die sonnestelsel.

Verskeie tegniese en mediese eksperimente is uitgevoer waarvoor gewigloosheid nodig was. Die laatste missie vertrek op 16 November 1973 en kom op 8 Februarie 1974 terug. Dit wentel 'n paar jaar onbemand om die Aarde en val in 1979 na die Aarde terug en verbrand grotendeels in die atmosfeer.