Slag van Vaalkrans

Slag van Vaalkrans
Deel van Tweede Vryheidsoorlog
Datum 5 Februarie - 7 Februarie 1900 Ligging Suid-Afrika Resultaat Boere oorwinning
Strydende partye
Verenigde Koninkryk	Zuid-Afrikaansche Republiek Oranje-Vrystaat
Bevelvoerders
Redvers Buller	Louis Botha
Sterkte
c. 20,000	c. 5,000
Ongevalle
333 ongevalle	30 gedood, 50 gewond

Die Slag van Vaalkrans neem op 5 Februarie 1900 tydens die Tweede Vryheidsoorlog in aanvang. Dit eindig op 7 Februarie 1900 in 'n Boere-oorwinning.

Die geveg

Britse kanonvuur tydens die Slag van Vaalkrans.

Na die Slag van Spioenkop het genl. Redvers Buller sy troepe na Vaalkrans tussen Colenso en Spioenkop verskuif. Hier het hulle weer gepoog om die Tugelarivier oor te steek om Ladysmith te bereik. Op 7 Februarie het genl. Louis Botha hulle egter in hulle spore gestuit. Toe die Britte besef het dat hulle nie maklik deur die Boere linies sou breek nie het hulle vuur gestaak en teruggetrek oor die Tugela.

Gedenktekens

'n Monument ter ere van die dooies is in 'n klein gedenktuin aan die voet van die slagveld by Vaalkrans ingesluit.

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4