Smithfield

Smithfield
Smithfield
Koördinate: 30°12′45″S 26°31′53″O
Land	Suid-Afrika
Provinsie	Vrystaat
Distriksmunisipaliteit	Xhariep
Plaaslike Munisipaliteit	Mohokare
Stigting	1848
Vernoem na	Harry Smith
Bevolking (2001)
- Stad	500
Tydsone	SAST (UTC+2)

Smithfield is 'n dorp in die suid van die Vrystaat, in Suid-Afrika op die Caledonrivier. Die dorp het 'n bevolking van 500 (volgens die 2001-sensus). Smithfield is 73km suidoos van Reddersburg en die N6 nasionale pad gaan deur Smithfield

Geskiedenis

Smithfield is die derde oudste dorp in die Vrystaat naas Philippolis en Winburg. Die dorp is in 1848 gestig deur sir Harry Smith wat die hoeksteen van die nuwe kerk gelê het op die plaas Waterval van SC Halse. Die plaas was 24km suidwes van die huidige dorp en erwe was vanaf 1 Desember 1848 te koop. Die erwe het egter nie verkoop nie omrede die mense geweet het dat water skaars in die omgewing was. Gedurende die November van die volgende jaar is erwe op die plaas Rietpoort verkoop. Smithfield het eers in 1948 'n munisipaliteit geword alhoewel die eerste dorpsraad al in 1860 gestig was.

Distrik

Die distrik is 2 828km² groot. Daar word oorwegend met beeste en skape geboer.

Vroeë gevegte

Daar het baie gevegte plaasgevind in die Smithfield distrik tydens die Basoeto oorloë. In 1855 het Mosjesj en sir George Grey vredesonderhandelings gevoer in die dorp. Die vrede was van korte duur, oorloë het in 1858, 1865 en 1867 gevolg.

Sien ook

• Lys van dorpe in Suid-Afrika

Bronne

• Op Pad in Suid-Afrika. BPJ Erasmus. ISBN 1-86842-026-4
• Ensiklopedie van Suidelike Afrika. Eric Rosenthal. 1967.