Snoepwinkel

in Wikipedia, die vrye ensiklopedie
'n Snoepwinkel in België.

'n Snoepwinkel of snoepie is 'n winkel waarin daar lekkergoed en koeldrank en soms ander lekkernye of voedselitems verkoop word soos sjokolade, roomys, skyfies, worsbroodjies, pasteie, ens.

Snoepwinkels by skole[wysig | wysig bron]

Baie skole het snoepwinkels. Die hoofdoel van die snoepies is om 'n diens aan leerders en ouers te bied, maar kan ook help om skoolfondse aan te vul. Snoepwinkels by skole het meestal vasgestelde ure en is gewoonlik oop tydens pouses. Sommige snoepies word ook voor en na skool bedryf. Dit is belangrik dat snoepies by skole voedsame kos verkoop wat die kinders se ontwikkelende breine en liggame ondersteun. Sommige ouers en voogde kan aan hul kinders geld gee om nou en dan kos by die snoepie aan te skaf, terwyl ander ouers van kinders verwag om hulle eie sakgeld vir die doel te gebruik.