Sodomie

in Wikipedia, die vrye ensiklopedie
Ontdekking van sodomie in 'n klooster te Brugge, 1616.

Sodomie is 'n historiese term vir "onnatuurlike" seksuele dade.

In die breë sin beskryf dit alle vorme van seks wat as "nie-reproduktief" gesien kan word. So sluit dit seks met diere, orale seks sowel as homoseksuele en heteroseksuele anale penetrasie in.

In engere sin verwys sodomie egter na anale seks. Die afgeleide werkwoord, 'sodomiseer' beteken dan ook om iemand anaal te penetreer.

Die term is afkomstig van die naam van die Bybelse stad Sodom waar vele vorme van seks gepraktiseer sou word, waarvan baie ook onvrywillig. Die storie van Sodom en Gomorra is in hoofstuk 18 en 19 van die boek van Genesis in die Bybel gedokumenteer.

Sodomie is in die vroeë Middeleeue in Europa as 'n sonde beskou. In die dertiende eeu is wetgewing ingevoer om sodomie met die dood te straf. Sommige lande het steeds wetgewing wat sodomie tot 'n misdaad verklaar. Baie westerse lande het egter meeste van die wette afgeskaf. Waar dit wel nog in effek is word dit meestal nie aktief toegepas nie.