Sodwanabaai

in Wikipedia, die vrye ensiklopedie
Sodwanabaai is in Suid-Afrika
Sodwanabaai
Sodwanabaai
Ligging van Sodwanabaai in Suid-Afrika

Sodwanabaai is 'n baai aan die Indiese Oseaan in KwaZulu-Natal, Suid-Afrika. Die St. Thomas het in 1589 hier gestrand. Die baai is in 1888 opgemeet om sy geskiktheid as 'n hawe te bepaal. Die planne is laat vaar toe 'n hawe by Richardsbaai 120 km verder suid ontwikkel is. Die baai is nou deel van 'n groot bewaararea, die iSimangaliso-vleilandpark. Jesser Point dui die suidelike landhoof van die baai aan.

Daar is onbeskadigde koraalriwwe en 'n groot verskeidenheid oseaanlewe in die baai. Die baai is bekend vir sy hengel, ryk voëllewe, skubaduik en die waterskilpaaie wat hier nes maak.

Skubaduik[wysig | wysig bron]

Sodwana is ideaal vir haai- en klipbank-duike reg deur die jaar. Meer as 1200 visspesies word in Sodwana aangetref, insluitend haaie, dolfyne en walvisse. Die klipbanke is ongeveer 18 meter diep. Sigbaarheid onder die water is oor die algemeen goed en wissel van tien tot veertig meter. Die water se temperatuur wissel van 21°C in die winter tot 28°C in die somermaande. Duikers het 3 mm- of 5 mm-dik duikpakke nodig.

Selakant[wysig | wysig bron]

In November 2000 en Mei 2001 het 'n groep duikers onder leiding van Pieter Venter in Jessor Canyon foto's geneem van drie skaars Selakante (Latimeria chalumnae) op 'n diepte van sowat 110 meter.

Fotogalery[wysig | wysig bron]

Bronne[wysig | wysig bron]

Eksterne skakels[wysig | wysig bron]