Soenie

in Wikipedia, die vrye ensiklopedie
Spring na: navigasie, soek
Soenie
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Artiodactyla
Familie: Bovidae
Genus: Neotragus
Spesie: N. moschatus
Binomiale naam
Neotragus moschatus
Von Dueben, 1846

'n Soenie (Neotragus moschatus) is 'n baie klein wildsbokkie wat in die suidooste van Afrika aangetref word.

Volwasse soenies het 'n gemiddelde massa van 3 kg en 'n hoogte van ongeveer 40 cm. Die rammetjies het horings wat tot 9 cm lank kan word. Hierdie klein bokke is slank met 'n relatief hoë agterkant. Die kleur wissel van grys tot rooibruin, met 'n wit ken, keel, binnnebene en onderkant. Soenies se oë word deur 'n witterige ring omring en elke been het 'n swart band net bo die hoef.

Hulle word hoofsaaklik in gebiede met digte struikgewasse aangetref.

Mannetjies assosieer met een tot vier wyfies. Die ooi gee telkens aan 'n enkele lammetjie geboorte. Die lammetjies het 'n donkerder kleur en word buite sig gehou tot hulle kleur sodanig vervaag het om voldoende kamoeflering te verskaf.

Hierdie bokkies is skaam en is hoofsaaklik snags aktief. Oordag slaap hulle in beskutte koeltes.

Soenies vreet hoofsaaklik blare wat na die grond geval het, maar sal ook soms gevalle vrugte of swamme probeer vreet. Hulle kry die nodige vog van hul dieet en is dus nie van 'n varswaterbron afhanklik nie.

Sien ook[wysig]

Bronnelys en verwysings[wysig]

  • Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
  • Bora, S. 2002. "Neotragus moschatus". Animal Diversity Web. Verkry op 26 April 2009.
  1. IUCN SSC Antelope Specialist Group (2008). Nesotragus moschatus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 13 November 2008.Database entry includes justification for why this species is listed as Least Concern.