Soetdoring

Soetdoring
	;
Wetenskaplike klassifikasie
Koninkryk:	Plantae;
Subkoninkryk:	Tracheobionta;
Superdivisie:	Spermatophyta;
Divisie:	Magnoliophyta;
Klas:	Magnoliopsida;
Subklas:	Rosidae;
Orde:	Fabales;
Familie:	Fabaceae;
Subfamilie:	Mimosoideae;
Genus:	Acacia;
Spesie:	A. karroo;
Binomiale naam
	Acacia karroo; Hayne
	; Verspreiding van die Soetdoring
Sinonieme
	Sien artikel

Soetdoring (Acacia karroo) is 'n immergroen boom wat kan groei tot 'n hoogte van vyftien meter. Die bas kleur is rooi-bruin tot swart. Die boom het dubbel-veervormige, saamgestelde blare.

Die goud-geel blommetjies van 10 tot 13mm kom voor in die vroeë-somer, en versprei 'n soet reuk. Die vrugte van die boom is bruin, plat sekelvormige peule wat oop breek om die sade te versprei. Die lang reguit dorings kom in pare voor en is grys tot wit van kleur.

Die boom groei vinnig, tot soveel as een meter per jaar, is ryp- en droogtebestand en het 'n lewensverwagting van 30 tot 40 jaar.

Die Soetdoring is inheems tot Suid-Afrika, maar is ook versprei in Australië waar dit beskou word as 'n onkruid.

In die verlede was die gom van die boom gebruik vir lekkergoed.