Sofia Aleksejewna van Rusland

in Wikipedia, die vrye ensiklopedie
Spring na: navigasie, soek
Sofia Aleksejewna
Regent van Rusland
Sophia Alekseyevna hermitage.jpg
Bewind 1682-1689 as regent
Huis Romanof
Gebore 27 September [O.S. 17 September] 1657
Oorlede 14 Julie [O.S. 3 Julie] 1704
Vader Tsaar Aleksei
Moeder Maria Miloslafskaja

Sofia Aleksejewna (Russies: Софья Алексеевна; 27 September [O.S. 17 September] 1657 - 14 Julie [O.S. 3 Julie] 1704) was van 1682 tot 1689 regent van die Tsaredom van Rusland. Sy het regeer namens haar broer, Iwan V, en halfbroer, Pieter die Grote, wat as medetsaars gekies is ná die dood van Sofia en Iwan se broer, tsaar Fjodor III. Iwan was liggaamlik en geestelik gestrem en Pieter was maar tien jaar oud toe sy broer dood is en te jonk om te regeer.

Sy het met ’n ystervuis regeer en het nie geskroom om gewelddadige taktieke te gebruik nie. Haar bewind was soveel meer besonders omdat vroue in daardie tyd gewoonlik in die openbaar sluiers gedra en opgepas is, en nie openlik aan enige politieke bedrywighede deelgeneem het nie.[1]

In 1689 het Pieter Sofia na die Nowodewitsji-klooster gestuur om ’n non te word nadat sy probeer het om die bewind oor te neem. In 1696 het die sieklike Iwan gesterf en van toe af was Pieter die alleenheerser.

Verwysings[wysig]

  1. Massie, Robert K. Peter the Great, His Life and World, 1980, ch. "Old Muscovy" bl. 31ff.
Crystal txt.png

Hierdie artikel is vertaal vanuit die Engelse Wikipedia

Verdere leesstof[wysig]

  • Hughes, Lindsey. Sophia, Regent of Russia: 1657–1704. New Haven, CT; Londen: Yale University Press, 1990 (hardeband, ISBN 0-300-04790-8).
Tsare en keisers van Rusland
Tsare Iwan IV (Iwan die Verskriklike)Fjodor IBoris GodoenofFjodor IIVals Dmitri IVals Dmitri IIWasili IVMichailAlekseiFjodor IIISofia Aleksejewna (regent) • Iwan V saam met Pieter I
Keisers Pieter I (Pieter die Grote)Katharina IPieter IIAnnaIwan VIElisabethPieter IIIKatharina II (Katharina die Grote)PaulAleksander INikolaas IAleksander IIAleksander IIINikolaas II