Sonnedou

in Wikipedia, die vrye ensiklopedie
Spring na: navigasie, soek
Drosera
Drosera derbyensis
Wetenskaplike klassifikasie
Koninkryk: Plantae
Familie: Droseraceae

Sonnedou verwys na 'n klas van plante (Drosera) wat met sy amper 200 soorte, die tweede grootste genus vleisvretende plante vorm. Karakteristies is die blare wat gomkliere besit en waardeur prooi gelok en gevang word. So kan dié plante ook in voedingstofarme grond gedy.

Beide die botaniese naam (van die Antieke Grieks δρόσος: drosos = "dou, doudruppels") sowel as die Afrikaanse naam, verwys na die glansende druppels gom wat op die blare voorkom.

Die genus is amper wêreldwyd verspreid. Hoof-verspreidingsgebiede is Australië, Suid-Amerika en Suid-Afrika. Talle soorte word deur menslike uitbreiding en aktiwiteite bedreig, terwyl enkeles as troetelplante aangehou word.

Kenmerke[wysig]

Sonnedou-soorte is selde eenjarige en meestal meerjarige kruidagtige plante, rosette-vormend, regopstaande of klimplante met 'n groeihoogte van een tot eenhonderd sentimeter. Klimmende sonnedou-soorte kan egter nog langer word, meer as 3 Meter is al berig (Drosera erythrogyne).[1]

Hulle kan aantoonbaar 'n ouderdom van oor die 50 jare bereik. Die genus is vir die opname van stikstowwe deur insekte gespesialiseer, veral by die dwergsonnedou-soorte waar die nitraatreduktase ensiem wat plante normaalweg vir die opgaar van grondverwante nitraat benodig, totaal afwesig is.[2]

Verwysings[wysig]

Commons
Wikimedia Commons het meer media verwant aan:
Drosera (bladsy)
  1. Mann, Phil (Oktober 2001). “HTML The world’s largest Drosera”. pp. 79 Carnivorous Plant Newsletter.
  2. (1992) Contrasting effects of supplementary feeding of insects or mineral nutrients on the growth and nitrogen and phosphorus economy of pygmy species of Drosera, 92, 8–13.