Star Division

in Wikipedia, die vrye ensiklopedie

Die Hamburgse sagtewarefirma Star Division is in die jaar 1985 deur die 16-jarige Marco Börries, in Lüneburg, Duitsland gestig.

Na die bure 'n klag by die polisie ingedien het, oor die bedryf van 'n besigheid in 'n woonbuurt, het die firma na Hamburg verhuis.

Star Division het veral deur hulle kantoorprogrammatuur StarOffice bekendheid verwerf. Die sagteware het meer as 25 miljoen kopieë wêreldwyd verkoop.

In 1998 het Börries StarOffice gratis vir die privaat gebruik beskikbaar gestel. Star Division is op 5 Augustus 1999 deur die sagte- en hardewarevervaardiger Sun Microsystems vir meer as 70 miljoen VS-Dollar gekoop.

Die programmatuur StarOffice is sedertdien deur Sun Microsystems en die OpenOffice.org-projek verder ontwikkel.

Ontsluit van "https://af.wikipedia.org/w/index.php?title=Star_Division&oldid=1117313"