Stars

in Wikipedia, die vrye ensiklopedie
Stars
Torquil Campbell en Amy Millan in 2005 in Stockholm (Swede).
Agtergrondinligting
OorsprongMontreal, Quebec, Kanada
GenresIndiepop
Indierock
Jare aktief2000 - hede
EtiketteArts & Crafts
Le Grand Magistery
Paper Bag
Webwerfhttp://www.youarestars.com
LedeTorquil Campbell
Amy Millan
Evan Cranley
Chris Seligman
Pat McGee
Gewese ledeBroken Social Scene
Memphis
Amy Millan

Die Stars is 'n Kanadese indiepop-musiekgroep wat oorspronklik deur die sanger Torquil Campbell en die klawerbordspeler Chris Seligman in Toronto (Ontario, Kanada) gestig is. Die groep het hulle later in New York Stad en uiteindelik in Montreal gevestig.

Genre[wysig | wysig bron]

Die Stars se musiek is as beautiful, eloquent indie pop beskryf wat deur 'n oorvloedige instrumentasie, ratse produksie en afmeng, verhalende lirieke en sagte, maar genuanseerde sang gekenmerk word.[1][2] Die groep se musiekstyl het vanuit elektroniese popmusiek soos op die snit Nightsongs (wat op die etiket Le Grand Magistery vrygestel is) tot 'n meer rockgebaseerde instrumentasie op hulle laaste twee langspelers ontwikkel en weerspieël die invloed van die sanger en kitaarspeler Amy Millan en die basspeler Evan Cranley (wat voor die opname van die album Heart [Paper Bag Records] by die groep aangesluit het) en die tromspeler Pat McGee wat sedert die langspeler Set Yourself on Fire 'n lid van die Stars is.

Loopbaan[wysig | wysig bron]

Die Stars se eerste kommersiële sukses was die langspeler Set Yourself on Fire en die enkelsnit Ageless Beauty wat albei in 2004 vrygestel is.

Cranley en Campbell is daarnaas ook lede van die bekende indie-groep Broken Social Scene, wie se albums net soos dié van die Stars deur die onafhanklike Kanadese platemaatskappy Arts & Crafts in Toronto (Ontario) uitgegee word. Campbell is ook 'n akteur en het in televisieprogramme soos Sex and the City en Law & Order opgetree. Millan het in 2006 haar solo-album Honey From the Tombs vrygestel.

Verskeie liedjies van die Stars soos The Vanishing, Your Ex-Lover Is Dead en The Big Fight is vir aflewerings van bekende televisieprogramme soos Fox Network se The O.C. en CTV se Degrassi: The Next Generation gebruik. Die enkelsnit Ageless Beauty is daarnaas vir die promosie van VH1 se televisieprogram So NoTORIous ingespan.

Diskografie[wysig | wysig bron]

Langspelers
  • Nightsongs (2001)
  • Heart (2003)
  • Set Yourself on Fire (2004)
  • In Our Bedroom After the War (2007)
  • Do You Trust Your Friends? (Remix-album) (2007)
  • The Five Ghosts (22 Junie 2010)
  • The North (4 September 2012)
  • No One Is Lost (14 Oktober 2014)
  • There Is No Love in Fluorescent Light (13 Oktober 2017)
EPs
  • A Lot of Little Lies for the Sake of One Big Truth (2001)
  • The Comeback EP (2001)
  • Dead Child Stars (2003)
  • Sad Robots (2008)
  • The Séance (2010)
  • Lost & Found (2015)

Verwysings[wysig | wysig bron]

  1. "Stars: Heart". Geargiveer vanaf die oorspronklike op 26 Oktober 2007. Besoek op 26 Oktober 2007.
  2. "Stars: Set Yourself on Fire". Geargiveer vanaf die oorspronklike op 9 Augustus 2006. Besoek op 9 Augustus 2006.