Steenbrasdam

Steenbrasdam
	; Steenbrasdam, ingewig tussen die Hottentots Hollandberge en die Kogelberge (Valsbaai op die voorgrond).
Amptelike naam	Steenbrasdam
Ligging	Hottentots Hollandberge
Provinsie/Land	Wes-Kaap, Suid-Afrika
Koördinate	34°09′47″S 18°55′12″O / 34.16306°S 18.92000°OKoördinate: 34°09′47″S 18°55′12″O / 34.16306°S 18.92000°O
Dam in	Steenbrasrivier
Doel	Besproeiing en huishoudelik
Openingsdatum	1921 (opgeknap in 1989)
Eienaar	Departement van Waterwese
Soort dam	Grondvulling
Hoogte van wal	36 m
Reservoir	Steenbrasdam reservoir
Kapasiteit	3 560 000 m3
Opvanggebied	3.2 km2
Damoppervlak	35 ha

Die Steenbrasdam is in die Steenbrasrivier geleë naby Gordonsbaai, in die Wes-Kaap, Suid-Afrika. Dit strek sowat 8 km in 'n nou riviervallei in die Hottentots-Hollands-berge op en beslaan 'n oppervlakte van 397 ha wanneer die dam vol is.

Die dam voorsien water aan Kaapstad en word deur die stad se munisipaliteit beheer. Voordat die oorspronklike bouwerk in 1921 voltooi is, was die stad afhanklik van 'n aantal klein opgaardamme wat hul water ontvang het van strome wat op Tafelberg ontspring. Die Steenbrasrivier ontspring in die reënryke gebied van die Hottentots-Hollandsberge waar die neerslag soms 1 900 mm per jaar is.

Ondanks die klein opvanggebied van 67 km², is die gemiddelde watertoevloei na die dam tydens die reënseisoen derhalwe relatief hoog, naamlik 34 miljoen m³. Die damwal is sedert 1921 altesaam 4 keer verhoog: in 1924 (6 m), in 1927 (11,5 m), in 1954 (1,35 m) en in 1957 (6 m).

Die betonboogwal het 'n kruinlengte van 412 m en is aan die suidelike punt van die Steenbrasriviervallei gebou. Onderkant die dam is die rivierbedding met onder meer rotstuine en terrasse verfraai en kampeerterreine is ook in die omgewing aangelê.