Steenvis
| Steenvis | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 |
||||||||||||||||||||||||||||
| Wetenskaplike klassifikasie | ||||||||||||||||||||||||||||
|
||||||||||||||||||||||||||||
| Binomiale naam | ||||||||||||||||||||||||||||
| Synanceia verrucosa Bloch & Schneider, 1801 |
Die Steenvis (Synanceia verrucosa) is 'n vis wat voorkom in die Indiese - Pasifiese area, die Rooi See en aan die ooskus van Afrika tot by die Aliwal-bank. Die vis het al by Oos-Londen voorgekom maar dit is raar. In Engels staan die vis bekend as die Stonefish.
Inhoud |
Voorkoms [wysig]
Die vis se kleur is veranderlik, dit pas aan by die omgewing waar dit grootword. Die vis lyk soos 'n rots en kan hom dus goed kamoefleer. Die vis word nie langer as 36 cm nie. Die kop is groot en breed. Dit het 'n dorsale vin wat uit 12 - 13 stekels bestaan wat gif bevat. Die vis het nie skubbe nie en die vel is dik en vratagtig.
Habitat en gewoontes [wysig]
Die vis kom voor vlak water en rotsriwwe tot op 'n diepte van 20 m. Die vis begraaf homself in die sand of lê in holtes of skeure. Partykeer word hulle ontbloot gedurende laag gety. Die Steenvis is 'n roofdier en eet ander vis. Niks is bekend omtrent die voortplanting van die Steenvis nie.
Gif [wysig]
Die Steenvis is die giftigste vis in die see. Die gif kom voor in die stekels in die dorsale vin in spesiale buise en kan 'n mens se dood veroorsaak. Sodra iets op die stekel druk of trap skiet die gif uit 'n gifklier uit wat aan die onderkant van die stekel is - amper soos 'n spuitnaald. Die slagoffer sal onmiddellik pyn ervaar en kan binne 'n uur sterf as gevolg van die gif. Die beste raad is om die wond in warm water (so warm as wat menslik moontlik is) te hou vir ten minste 'n halfuur. Die warm water werk die gif teë. Teëgif is slegs beskikbaar in Australië. Mense word aangeraai om skoeisel van een of ander aard te dra wanneer hulle rondloop in areas waar die vis voorkom. Interessant genoeg is die vis eetbaar.
Sien ook [wysig]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bronne [wysig]
- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6
- Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
- Coastal Fishes of Souhtern Africa. Phil & Elaine Heemstra. 2004. ISBN 1-920033-01-7
