Stefan Kuryłowicz

in Wikipedia, die vrye ensiklopedie
Stefan Kuryłowicz
Gebore
Stefan Marian Kuryłowicz

26 Maart 1949
Sterf6 Junie 2011 (op 62)
NasionaliteitVlag van Pole Pole
Beroepargitek
EggenootEwa Kuryłowicz
Kinders2 seuns
Stefan Kuryłowicz: Centrum Królewska-kantoorgebou in Warskou
Stadion Miejski in Białystok

Stefan Marian Kuryłowicz (* 26 Maart 1949 in Warskou; † 6 Junie 2011 in Asturië, Spanje) was een van die mees toonaangewende argitekte in post-kommunistiese Pole.

Kuryłowicz, wat as dosent by die Warskouse Universiteit van Tegnologie werksaam was, het veral bekendheid met sy moderne sakegeboue van staal en glas verwerf wat die stadshorison van Warskou ná dekades van monotone kommunistiese argitektuur ingrypend verander het. In die vroeë 21ste eeu het hy ook 'n aantal woonstelblokke ontwerp.

Kuryŀowicz het in 1972 sy graad in argitektuur aan die Warskouse Universiteit van Tegnologie behaal. In 1983 het hy sy eie ateljee gestig en in die 1990's en vroeë 21ste eeu een van Pole se invloedrykste argitekte geword. Hy was 'n lid van die Raad vir Argitektuur en Ontwikkeling wat advies aan die burgemeesteres van Warskou, Hanna Gronkiewicz-Waltz, gelewer het.

Kuryłowicz is op 6 Junie 2011 saam met drie ander Poolse burgers in 'n vliegtuigongeluk in Asturië dood.[1] Hy is oorleef deur sy vrou en twee seuns.

Verwysings[wysig | wysig bron]

Eksterne skakels[wysig | wysig bron]