Steierwerk

in Wikipedia, die vrye ensiklopedie
Spring na: navigasie, soek
Steierwerk wat tipies opgerig word tydens bouwerk
Steiers word ter ondersteuning aangewend.

Steierwerk is 'n tydelik konstruksie wat gewoonlik met pype aanmekaar gesit word met die doel om bouwerk te verrig of onderhoud te doen op hoë plekke wat nie maklik bereikbaar is nie. Steiers word ook dikwels gebruik as tydelike stutte in bouwerk. Die bou van steiers is 'n vakgebied wat opleiding vereis om te verseker dat steiers veilig opgerig word. Wêreldwyd is daar gereeld gevalle waar onveilige steierwerk die oorsaak is van ongelukke in die boubedryf en ander nywerhede.[1][2][3] Steiers word gewoonlik gebou deur verskeie staalpype met doelgemaakte koppelstukke aanmekaar te sit en dan doelgemaakte staalplate of gewone houtplanke as loopvlakke te verskaf. Ander materiale soos hout en bamboes[4] is voorheen gebruik vir steierwerk en in baie wêrelddele word dié materiale steeds gebruik.

Geskiedenis[wysig]

In antieke Rome is steierwerk van hout en klip gebruik in die bou van brûe, akwadukte en ander geboue. Daar is bewyse van gate en stene in die konstruksies wat gebruik is om die steierwerk te ondersteun.[5][6][7]

Opleiding[wysig]

In Suid-Afrika is daar eenheidstandaarde by SAQA geregistreer (US ID 119074) ten opsigte van die bou van, die aanbring van veranderinge aan en die afbreek van steierwerk.[8] Die wet op Beroepsgesondheid en -veiligheid van 1993 het baie spesifieke bepalings oor die oprig van steierwerk waarvan die bouer bewus moet wees.[9]

Verwysings[wysig]

  1. http://www.constructionweekonline.com/article-589-drilling_reason_for_scaffolding_collapse - Verslag oor Steierwerk ongeluk in Bangladesh
  2. http://www.irbdirekt.de/daten/iconda/CIB10339.pdf - Verslag oor die bestuur van hoë-risiko aktiwiteite soos onder andere steierwerk in Suid-Afrika
  3. http://www.youtube.com/watch?v=w6nXaCYKTVg - YouTube video van 'n steier wat omval
  4. http://www.findscaffolding.com/bamboo_scaffolding.php - Artikel oor die gebruik van bamboes in steierwerk
  5. http://www.mariamilani.com/ancient_rome/Ancient_Roman_Bridges.htm - Artikel oor die bou van brûe in antieke Rome.
  6. http://www.wayfaring.info/2006/09/25/awesome-roman-aqueduct-pont-du-gard/ - Artikel met duidelike fotos van die stene wat by 'n Romeinse akwaduk uitsteek en gebruik is om steierwerk te ondersteun.
  7. http://www.shafe.co.uk/art/Classical_Tradition_slides_Imperial_Roman_Architecture_19-11-2003.asp - Artikel met besonderhede van die Akwaduk oor die Gard-rivier.
  8. http://pcqs.saqa.org.za/showUnitStandard.php?id=119074 SAQA webwerf met besonderhede oor die betrokke eenheidstandaard vir opleiding.
  9. http://www.acts.co.za/OHS/ - Sien "General Safety Regulations" Deel 13 A-G