Stellenbosch Universiteitskoor

in Wikipedia, die vrye ensiklopedie
Stellenbosch Universiteitskoor
Ook bekend asStellenbosch University Choir
OorsprongStellenbosch, Suid-Afrika
Jare aktief1936 - hede
Webwerfsun.ac.za

Stellenbosch Universiteitskoor (Engels: Stellenbosch University Choir) is 'n koor van die Universiteit Stellenbosch. Gestig in 1936, is dit die oudste koor in Suid-Afrika.[1] Die huidige koorleier, André van der Merwe, is aan die begin van 2003 aangestel.

Die Stellenbosch Universiteitskoor het al menigte buitelandse toere onderneem en die optredes is krities bekroon. Die koor word ook as 'n leidende Suid-Afrikaanse koorsang-groep gesien.

'n Hoogtepunt was die aanwys van die koor as algehele wenner van die kategorie vir Jeugkore by die Wêreld Koorspele in Bremen, Duitsland in Julie 2004. Tydens die 2008 Wêreld Koorspele was die koor eerste geplaas in die kategorie Musica Sacra.

Nog 'n 2004 hoogtepunt vir die koor was die deelname saam met die Kaapse Filharmoniese Orkes in Sinfonia Africana deur die Kaapse komponis Hendrik Hofmeyr. Hierdie baanbreker simfonie (met Afrikaanse teks) is geskryf vir sopraan, koor en orkes.

Binne die Suid-Afrikaanse konteks raak dit meer belangrik om uit te reik na kore in minder bevoorregde gemeenskappe. Sedert die begin van 2005 tree die koor op as gasheer van 'n weeskinderkoor van Khayamandi - nie net om musikale onderrig aan die koor te verskaf nie maar ook om die Universiteitskoor van die waarde van gemeenskapsdiens bewus te maak.

Die koor se nuutste CD, Laudate, is November 2008 vrygestel en bevat, onder andere snitte van die repertoire vir die 2008 Wêreld Koorspele.

Lys van Koorleiers[wysig | wysig bron]

  • William Morris (1936-1939)
  • Gawie Cillié (1940-1954)
  • Philip McLachlan (1955-1976)
  • Johan de Villiers (1977-1984)
  • Acáma Fick (1985-1992)
  • Sonja van der Walt (1993-2002)
  • André van der Merwe (2003-)[2]

Onlangse Noemenswaardige Prestasies[wysig | wysig bron]

2004[wysig | wysig bron]

In Julie 2004, wen die Koor die kategorie "Mixed Youth Choirs" (Gemengde Jeugkore) by die Wêreld Koorspele in Bremen, Duitsland met 92.13 punte.

2008[wysig | wysig bron]

In Julie 2008 het die Koor aan die Wêreldkoorspele in Graz (Oostenryk) deelgeneem, waar hulle drie goue medaljes in die drie kategorieë waarin hulle deelgeneem het, verower.[3] Die koor was onder 22 ander kore van Suid-Afrika wat gekies is om deel te neem aan hierdie kompetisie van meer as 400 kore. Hulle wen die kategorie Musica Sacra: Open Category met 92.7 en is tweede geplaas in die kategorie Gospel & Spiritual met 92.13 punte. In die kategorie Mixed Youth Choirs, is die Koor 4de geplaas met 88 punte.

Teen August 2008 is die Koor gerang as die beste koor in die kategorie Musica Sacra (Geweide Musiek) en die vierde beste koor, algeheel, in die wêreld!

2010[wysig | wysig bron]

Gedurende Julie 2010 toer die Koor na Sjina vir die 6de Wêreld Koorspele in Shaoxing. Hier behaal hulle twee goue medaljes en word aangewys as wêreldkampioene vir hul twee kategorieë. In die kategorie vir gemengde kore (Mixed Choirs) behaal hulle 95.75 punte, die hoogste deur enige koor in die hele kompetisie! Hulle behaal ook 'n punt van 90.88 vir die kategorie vir kontemporêre musiek (Musica Contemporanea).

Repertoire[wysig | wysig bron]

2008[wysig | wysig bron]

2009[wysig | wysig bron]

Opnames[wysig | wysig bron]

Illumina (2006)[wysig | wysig bron]

  1. Cover me with the night (2' 50") - Peter Klatzow (geb.1945, Suid-Afrika)
  2. Os justi (4' 50") - Anton Bruckner (1824-1896, Oostenryk)
  3. Justorum animae (2' 25") - William Byrd (1543-1623, Engeland)
  4. Come, sweet death (6' 05") - J.S. Bach (1685-1750, Duitsland) verw. André van der Merwe (Soprane: Ilse le Roux, Diane Mostert, Nicole van der Molen)
  5. Lux aeterna (6' 23") - Pēteris Vasks (geb.1946, Letland)
  6. Psalm 8 (5' 15") - Roelof Temmingh (geb.1946, Suid-Afrika, oorl. 6 Mei 2012)
  7. Ruth (4' 15") - Paul Ayres (geb.1970, Engeland)
  8. Wana Baraka (2' 55") - verw. Shawn Kirchner (geb.1970, VSA)
  9. Kyrie (3' 25") - Steve Dobrogosz (geb.1956, Swede) (Klavier: Karin Fourie)
  10. Water Night (4' 40") - Eric Whitacre (geb.1970, VSA)
  11. A boy and a girl (3' 50") - Eric Whitacre (geb.1970, VSA)
  12. Twee Afrikaanse Volksliedjies (5' 05") - verw. André van der Merwe (Sopraan: Nicole van der Molen)
  13. Bin-nam-ma (6' 10") - Alberto Grau (geb.1937, Venezuela)
  14. Dans van die Reën (4' 25") - Hendrik Hofmeyr (geb.1957, Suid-Afrika)
  15. Click Song (Tradisionele Xhosa lied) (2' 00") - verw. Hendrik Hofmeyr (geb.1957, Suid-Afrika) (Soprano: Nicole van der

Molen)

  1. Ngoni Burial Song (3' 30") - Douglas Reid (geb.1937, Suid-Afrika) aangepas deur André van der Merwe (Soprano: Nicole van der Molen)
  2. Thola (Tradisionele Sesotho Wiegelied) (2' 35") - verw. André van der Merwe
  3. Hosanna (Tradisionele Zoeloe lied) (2' 10") - verw. André van der Merwe
  4. Vela! Asambeni siyekhaya (Tradisionele Afrika lied) (2' 55") - verw. André van der Merwe
  • Die album is in 2006 vrygestel en bevat werke wat deur die koor opgeneem is in die Endlersaal by die Kunservatorium aan die Universiteit van Stellenbosch.

Laudate (2008)[wysig | wysig bron]

  1. Svete Tihiy (Dankbare Lig) (2'50") - Alexander Kastalsky (1856 – 1926, Rusland)
  2. Svete Tihiy (Dankbare Lig) (3'10") - Pavel Chesnokov (1877 – 1944, Rusland)
  3. Alleluia (1'40") - Jacobus Gallus (1550 – 1591, Slovenië)
  4. Haec Dies (2'30") - William Byrd (1543 – 1623, Engeland)
  5. Oggendgesang (2'58") - verw. André van der Merwe (Violin: Madri Gerber)
  6. Aandlied (3'40") - verw. André van der Merwe
  7. Pie Jesu (2'45") - Hendrik Hofmeyr (geb. 1957, Suid-Afrika)
  8. Anima Christi (4'35") - Ryan Cayabyab (geb. 1954, Filippyne)
  9. Lauda Sion (2'35") - György Orbán (geb. 1947, Hongarye)
  10. Laudate Dominum (4'28") - Giedrius Svilainis (geb. 1972, Litaue)
  11. Gloria (4'04") - Hyo-Won Woo (geb. 1974, Korea)
  12. Dies Irae (4'50") - Alberto Balzanelli (geb. 1941, Argentinië)
  13. The Birth of Orc (4'32") - Hendrik Hofmeyr (geb. 1957, Suid-Afrika)
  14. Ziles Zina (Boodskap van 'n Voël) (9'48") - Pēteris Vasks (geb. 1946, Letland)
  15. Amazing Grace (4'35") - verw. Eriks Esenvalds (geb. 1977, Letland) (Sopraan: Zanike Botha)
  16. Go, Tell It on The Mountain (2'30") - verw. Roland Carter (Soliste: Albert Willems, Geran Steyn, Andrea Winckler)
  17. I Can Tell the World (2'36") - verw. Moses Hogan (1957 - 2003, VSA)
  18. Witness (2'38") - verw. Jack Halloran (1916 - 1977, VSA)
  19. John the Revelator (3'46") - verw. Paul Caldwell & Sean Ivory (Klavier: Elzeth Germishuys)
  20. Come Again Sweet Days (1'40") - John Dowland (1563 – 1626, Engeland)
  • Die album is in November 2008 vrygestel en bevat werke opgeneem deur die koor in die Endlersaal by die Konservatorium van die Universiteit van Stellenbosch, gedurende 2007 en 2008. Die werke sluit bekroonde repertoire vir die 2008 Wêreld Koorspele in Graz, Oostenryk in.
  • Snit 14, Ziles Zina, is direk opgeneem tydens 'n optrede in die Endlersaal tydens 2007.

Verwysings[wysig | wysig bron]

  1. ↑ "Stellenbosch University Choir". Geargiveer vanaf die oorspronklike op 6 Februarie 2012. Besoek op 2 Maart 2007.
  2. ↑ "Universiteit Stellenbosch Koor". sun.ac.za. Geargiveer vanaf die oorspronklike (html) op 1 November 2019. Besoek op 2 Augustus 2010.
  3. ↑ "Musica Mundi: World Choir Games". Besoek op 9 Augustus 2008.[dooie skakel]
Ontsluit van "https://af.wikipedia.org/w/index.php?title=Stellenbosch_Universiteitskoor&oldid=2429543"