Ster-helmknorhaan
| Ster-helmknorhaan | |
|---|---|
.gif)
| |
| 'n Naverwante soort | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | D. peterseni
|
| Binomiale naam | |
| Dactyloptena peterseni (Nyström, 1887)
| |
Die ster-helmknorhaan (Dactyloptena peterseni) is 'n vis wat in die Indiese-Pasifiese area voorkom en aan die ooskus van Afrika vanaf die Rooisee tot by Algoabaai. In Engels staan die vis bekend as die Starry helmet gurnard.
Voorkoms[wysig | wysig bron]
Hulle lywe is oranje-rooi met geelgroen kolletjies op, en wit aan die onderkant. Die pektorale vinne is groen in die middel met geel strepe wat reghoekig oor die vinne strek. Die vis word tot 56 cm groot en weeg dan 1.5 kg. Die vis se pektorale vinne is groter as normaalweg en lyk inderdaad soos vlerke. Die visse kan egter nie vlieg soos die vlieënde visse nie en indien die vis uit die water gehaal word frommel die pektorale vinne op soos 'n nat lap.
Habitat[wysig | wysig bron]
Die visse kom gewoonlik in sanderige of gruisbodems voor naby riwwe in water van tussen 50 en 250 m diep. Hulle gebruik die pektorale vinne om oor die bodem te kruip en dit in die proses oop te krap om klein skaaldiertjies te ontbloot as prooi. Wanneer die vis vinnig swem word die pektorale vinne teruggevou langs die liggaam en slegs die stert word aangewend om die vis aan te dryf.
Sien ook[wysig | wysig bron]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron[wysig | wysig bron]
- Coastal Fishes of Southern Africa. Phil & Elaine Heemstra. 2004. ISBN 1-920033-01-7