Stereotipe

in Wikipedia, die vrye ensiklopedie
Spring na: navigasie, soek
Polisiemanne koop koffie en donuts, 'n voorbeeld van steriotipiese gedrag in Noord-Amerika.

'n Stereotipe is 'n oordrewe beeld van 'n groep mense wat dikwels nie (volledig) met die werklikheid ooreenkom nie. Dit is dikwels 'n vooroordeel of negatiewe denkbeeld en word soms gebruik as regverdiging vir bepaalde diskriminerende dade.

Voorbeelde[wysig]

Die doel van hierdie afdeling is nie persoonlike/rassistiese aanvalle gerig op die inwoners van dorpe, stede of lande nie. Dit is eerder 'n poging om die algehele denkbeelde, soos aangeblaas deur die media, advertensies van die toeristebedryf en koerante(kommentaar), oor plekke uit 'n Afrikaanse perspektief te verkry, te probeer interpreteer en hierdie clichés dan self te bevraagteken.

Suid-Afrika[wysig]

Wes-Kaap[wysig]

  • Die Kaap – (Kapenaars, Capies, Kypies, Woltone) Die Moederstad. Op advertensies en rolprente word Kaapstad uitgebeeld met Tafelberg, windverwaaid, Adderleystraat se blommeverkopers, die helderkleurige Bo-Kaapse huisies, skitterende see of bewolkte/mistige lug, die Kaapse Klopse, krysende seemeeue, skepe wat kom en gaan in die hawe en klein stadsmotors, gewoonlik ‘n wit Volkswagen CitiGolf, Toyota Tazz of bromponie. Het Eurosentriese neigings. Die drukkersmedia-hoofstad in die land. Het die duurste parkeringsfooie in die land. Het tot dusver die enigste kernkragsentrale in Suid-Afrika.

Die inwoners is trots op hul stad, is ietwat Boheems en het 'n rustiger nie-materialistiese lewensuitkyk; vandaar die bynaam Skaapstad en Slaapstad. Het goeie geletterdheidsvlakke en tersiêre onderwys (veral medies, taal en letterkunde), is liberaaldenkend en krities, met 'n skeut siniese pessimisme. Tikfabriek. Werk konserwatief met geld en probeer soveel moontlik petrol spaar. Die uitspraak is ontrond en plat. “Daai Transvalers” jaag die goeie paaie voos tydens Desembervakansies, maar kruip oor bergpasse.

* Bellville – die bakermat van Afrikaanse rock, kletsrym en alternatiewe musiek. Motors met CY-nommerplate word gewoonlik vermy weens onverskillige bestuur.
* Seepunt – die blyplek van homoseksuele in die jare 80’s
* Sandy beach – bekend/berug vir sy naakstrande
* Wynroete – drankmekka, gepaardgaande met snobisme. Vriendelike plaaslike inwoners.
* Weskus – kreef- en aartappelwêreld, yskoue seewater, mistigheid, Lugmagbasis, Langebaan en Saldanha as vakansiedorp, Namakwaland-blommeparadys, staal- en ysterfabriek, guano-uitvoere, werklose vissers weens kwota-vermindering deur staatsbesluite. Reguit inwoners.
* Swartland – graanlande, windturbines en Tannie Evita se Perron.
* Overbergse strande – die Bolanders se naaste seevakansieplekke; perlemoenstroper-middelpunt.
  • Hermanus – Walviskyk as toerismetrekpleister, aftreedorp; inherent 'n mini-Kaapstad – met soortgelyke probleme om bobbejane uit huise te hou.
* Oudtshoorn – die Klein-Karoo Nasionale Kunstefees, volstruiswêreld, Kangogrotte en C.J. Langenhoven se Arbeidsgenot.
* Die Tuinroete – omring deur woude, idilliese strande, reën regdeur die jaar, warm, vogtige lug, internasionaal-erkende gholflandgoed.

Gauteng[wysig]

  • Gauteng - (Vaalpense, Transvalers) ook bekend as “Gangster’s Paradise” of “Resident Gauteng” en “Skolliewood” vir sy rolprentbedryf. Digbevolk, met hoë armoede en geweldsmisdaad. Stowwerige mynhope. Die grootste internetgebruikers van die land is hier gekonsentreerd. Meer materialisties-ingesteld, swierig en afsydig. Ryk inwoners word gewoonlik uitgebeeld met luukse onprakties-swart BMW’s of Mercedes-Benze op 'n kokende somersmiddag in 'n Toskaanse villa of glaskasteel, is kosmopolitanisties en hou van rondrits. Word as optimisties uitgebeeld. In hierdie gedeelte van die land word die Afrikaner altyd verregs uitgebeeld. 4x4-naweke en 'n aktiewe leefwyse vorm die kern van hul vrye tyd.
* Pretoria: die Jakarandastad, Voortrekkerstad, ligging van die Uniegebou en Binneland Kliniek. Praat met 'n oorronde aksent.
* Johannesburg: kosmopolitanisme, mynboustad en betogings, SAUK se hoofkantore in Auckland Park, Brixton-toring.

KwaZulu-Natal[wysig]

KwaZulu-Natal – (Bananaboys of Piesangboere) plek in Oos-Suid-Afrika met warm, onuithoudbare tropiese klimaat en oordek met plantegroei en suikerriet, piesangbome en Gaboenadders met 5cm-giftande.

  • Durban –die Goue myl, sandstrande wat Desembermaande uit hul nate bars, O’Shaka Marine World, die Indiese Markte, Zoeloekryger-danse, Riksjas en die Durban July. Die inwoners is soos die Kapenaars heel rustig uitgebeeld en is lief om branderplank te ry.

Afrikaner[wysig]

Inherent leef die jong Afrikaner soos sy Amerikaanse tydgenote, maar sonder 'n liefde vir ortografie, leesboeke, ensiklopedieë, ander tale, geskiedskrywing, toekomsvisie en die wil om by ervare grootmense te leer, wat weer veroorsaak dat hy ingehok dink. Die problematiek wat hy tans beleef is dat voordele geniet wil word, terwyl die ouer garde die wiele geolie moet hou. Lewenswysheid, stereotipes en nihilisme word geleer vanaf die sportveld, MXit, Facebook, koerante wat sensasie en maklike taal gebruik om geld te maak, twitter, M-TV, Bakgat-flieks, kroeë, YouTube, staatsbeheerde universiteitsboeke en nuus. Sy grootste uitdaging is dus anti-intellektualisme, verbruikerisme, die staat en hierdie artikel.

Nederland[wysig]

“Hollanders” (pejoratief: Kaaskoppe) word gesien as welbelese, sekuur, veelsydig, uiters liberaal, lief vir skryf en permanent op die uitkyk te wees om te kritiseer of te vervolg, is prontuit en plek-plek onbeskof. Te midde hiervan is hulle oorsensitief en word maklik gekwets. En die Nederlanders weet hulle is reg. Nederlanders praat 'n argaïese wetenskaplike taal deurspek met Anglisismes in 'n onverstaanbare luidrugtige, binnensmondse uitspraak. Omrede hul so 'n talryke taalgemeenskap is, het hulle 'n naam vir elke spyker van 'n skip. Hulle bly in 'n landjie kleiner as die Krugerwildtuin van kaas, klompe, windmeule, fietse, Koningin Beatrix, gragte, kanale, seewater, ys, skepe, Hans Brinker, Kaptein van der Deken, Jan van Riebeeck en Heineken. Dit is die Moeder van Suid-Afrika se beskawing wat tydens Apartheid die naelstring geknip het, maar vandag haar tienerdogter gereeld besoek en op taalgebied steeds befonds. Stef Bos en BZN word met Nederland verbind. Soms is Nederlanders oordrewe behep met natuurbewaring, omrede Nederland self toegebou en bewerk is en niks meer het nie.

  • Amsterdam was berug vir sy Rooiligdistrik, wat vandag 'n mode-Mekka is.

België[wysig]

België is bekend vir sy kant, sjokolade, strokiesprente, Niklaas van Vlaandere, die skrywer Pieter Aspe en outydse museums en geboue. Vlaams is Afrikaans as die verfransings geïgnoreer word. Belge is fyn opgevoed, diplomaties, gesteld op voorkoms en etiket en is minder gereserveerd. Helmut Loti en Dana Winner word met België verbind. As taalstryders het die Belge iets met die Afrikaanssprekendes in gemeen. Hoewel Suid-Afrikaners weinig van België af weet, weet hulle die land is die hoofkantoor van die Europese Unie, oftewel die Nuwe Wêreldorde.

Duitsland[wysig]

Die plek waar Protestantisme, Dobermanns, Rottweilers en Herdershonde gebore is. Duitsers word as hiperintelligent (die hoogste intelligensiekwosiënt in Europa), skoonhede met blou oë en blonde hare, veelsydig, hardwerkend, produktief, beheers en geletterd beskou en praat 'n taal met 'n swaar aksent wat die Middeleeuse Oupa van Afrikaans moet wees. Duitsers het 'n oordrewe beheptheid oor individualisme en haat eenvormigheid. Daarom het hulle nie 'n koning en “volksheid” nodig nie. Hulle is Suid-Afrika se tweede grootste buitelandse besoeker en kan 'n Namibwoestyn in 'n paradys laat verander. Alles waaraan hulle raak werk eenvoudig net en is foutloos. Jy hoef hulle niks te leer nie. Frankfurt het iets met Heidi te doen, Stuttgart is die plek waar Porsches gemaak word, München die kulturele hoofstad en heimat van BMW en die Rynrivier is kwaai besoedel. Ons lees in ons skoolboeke oor die Tweede Wêreldoorlog uit die Geallieerdes se perspektief. Daar is egter 'n verskil: Duitsers het vir een of ander rede twintig geslagte later steeds 'n skuldgevoel oor die Tweede Wêreldoorlog, terwyl die Afrikaner weer sonder skuldgevoel weet dat sy/haar ouers slegs marionette van die Apartheidstaat en samelewing was en “dat dinge vroeë jare beter was”. Jong Duitsers is groot aanhangers van die swaarmetaal Goth-subkultuur en pentagramme is orals te sien. Suid-Duitsland het sonnige, hartlike Katolieke terwyl die Noord-Duitsers weer ingetoë en somber Protestante is gelaai met mistiek. Rammstein lui iewers 'n klokkie.