Stilfontein

Stilfontein
Stilfontein
Koördinate: 26°50′34″S 26°46′28″O
Land	Suid-Afrika
Provinsie	Noordwes
Distriksmunisipaliteit	Dr. Kenneth Kaunda
Stigting	1949
Bevolking (2001)
- Stad	14 708
Tydsone	SAST (UTC+2)
Poskode	2551

Stilfontein is 'n dorp wat tussen Klerksdorp en Potchefstroom in die Noordwes-Provinsie van Suid-Afrika lê.

Geskiedenis

Die dorp se geskiedenis is verweef met die van goud. 'n Skot, Charles Scott, het 'n plaas in die omgewing bekom en dit Strathvaal genoem, na aanleiding van die Strathmore graafskap van waar hy afkomstig is. In 1888 het hy goud op sy plaas ontdek, 'n uitloper van die hoofgoudrif. Hy het dit die Strathmorerif genoem. Hierdie rif was baie diep gesetel onder dolomiet. Na sy dood het sy seun die soektog voortgesit en 'n opsie op die plaas Stilfontein gekry. Nadat daar geboor was, is die rif bevestig.

Die dorp word in 1949 as 'n woongebied vir die Hartebeesfontein-, Buffelsfontein- en Stilfontein-goudmyne gestig. Produksie by die myne begin in 1952. In Maart 2005 skud 'n aardbewing die stad en beskadig geboue. As oorsaak van die ramp is mynbou-aktiwiteite in die omgewing aangewys, en die Hartebeesfontein- en Buffelsfontein-myne is gevolglik gesluit.

Bevolking

In 2001 was 85% van die bevolking wit mense.

Samestelling van bevolking
Swartmense:	14,2%
Blankes:	84,9%
Kleurling:	0,8%
Indiër:	0,1%

Trivia

Die N12 nasionale pad gaan langs Stilfontein verby.

Bron

• Op pad in Suid-Afrika. BPJ Erasmus. 1995 ISBN 1-86842-026-4