Stille Rewolusie

in Wikipedia, die vrye ensiklopedie
Dikwels word na die vroeëre eerste minister van Quebec Jean Lesage as die "Vader van die Stille Rewolusie" verwys. Na die wye reeks hervormings, wat sy Liberale Party ná sy oorwinning in die provinsiale verkiesing van 1960 aangebring het, is later kollektief as "Stille Rewolusie" verwys

Die Stille Rewolusie (Frans: Révolution tranquille, Engels: Quiet Revolution) was 'n tydperk van ingrypende maatskaplike, politieke, ekonomiese en sosiale omwentelinge in Kanada se Franssprekende provinsie Quebec. Dié ietwat paradoksale term, wat vir die eerste keer deur 'n anonieme artikelskrywer in die dagblad The Globe and Mail gebruik is, beskryf 'n periode wat in die sestigerjare van die 20ste eeu val en waartydens Quebec se samelewing, wat sedert 1944 deur die provinsiale regeringsparty Union Nationale met sy behoudende ideologie en tradisionele waardes uit toeka se tyd oorheers is, in 'n moderne en sekulêre welvaartstaat omgeskep is waarna later as die Quebec-model verwys is.[1]

Verwysings[wysig | wysig bron]