Stoomwa

in Wikipedia, die vrye ensiklopedie
Spring na: navigasie, soek
Nicholas Cugnot se Fardier van 1769
Die eerste kommersiële stoomwa ter wêreld: Richard Trevithick se London Steam Carriage van 1803
Amédée Bollée se L'Obéissante. Die foto is in 1875 geneem
White touring car (1909)
Stanley-stoomwa van 1912
Stanley-stoomwa van 1923

'n Stoomwa is 'n motor wat deur 'n stoomenjin aangedryf word.

Stoomwaens was die eerste egte motorvoertuie wat ooit gebou is - so het Nicholas Cugnot sy artillerie-trekmasjien reeds in 1769 in Parys aan die publiek bekend gestel. Amédée Bollée se stoomwa La Mancelle was in 1878 die eerste motor wat as 'n produksiereeks met vyftig eksemplare vervaardig is, terwyl Francis Edgar Stanley en Freelan O. Stanley se Stanley Rocket-stoomwa in 1906 as eerste motor met 205,5 km per uur 'n snelheid van meer as 200 km per uur bereik het.

Aanvanklik was dit nie duidelik of motors met stoom- of met elektriese enjin die opperhand op die mark sou kry nie, maar uiteindelik het verbrandingsenjins geseëvier. Stoomenjins het slegs as trekmotors en padwalse nog tot omstreeks 1950 oorleef, terwyl elektriese motors intussen 'n hergeboorte beleef het. Die spoedrekord van stoomwaens, wat in 1906 opgestel is, is selfs eers in 2009 gebreek. [1]

Verwysings[wysig]