Strooipopargument

in Wikipedia, die vrye ensiklopedie
Spring na: navigasie, soek
'n Voëlverskrikker

'n Strooipopargument is 'n foutiewe debatstegniek waar 'n wanindruk omtrent 'n teenstander se argument geskep word. Die tipiese "strooipopargument" skep die wanindruk dat die teenstander se argument verslaan word deur sy stelling te vervang met 'n ander, maar nie ekwivalente stelling, wat dan as 'n valse argument bewys word.

Struktuur[wysig]

Die strooipopargument kom voor in die volgende patroon:

  1. Persoon 1 maak stelling X
  2. Persoon 2 argumenteer teen 'n valse stelling Y, soortgelyk maar nie ekwivalent aan stelling X, asof dit is wat Persoon 1 eintlik bedoel het.

Hierdie redenasie lei tot 'n irrelevante slotsom (ignoratio elenchi) omdat dit versuim om die werklike stelling of proposisie voorhande aan te spreek, deurdat 'n wanvoorstelling van die opponerende standpunt gemaak word.

Voorbeelde[wysig]

Voorbeelde van hierdie redenasiestyl sluit die volgende in:

  • om 'n persoon buite konteks aan te haal,
  • om die ander persoon aan te spreek asof almal wat hierdie stelling handhaaf verkeerd bewys word
  • om sy of haar argument te vereenvoudig.