Suid-Afrikaanse algemene verkiesing van 1977

in Wikipedia, die vrye ensiklopedie

Suid-Afrikaanse politiek
Parlement van Suid-Afrika
Nasionale Vergadering
Nasionale Raad van Provinsies
President
Adjunkpresident
Ministers
Speaker van die Nasionale Vergadering
Opposisieleier
Politici
Politieke partye
Konstitusionele Hof
Hoogste Hof van Appèl
Hooggeregshof
Verkiesings

Die Suid-Afrikaanse parlementsverkiesing van 1977 het op 30 November 1977 plaasgevind. Die regerende Nasionale Party onder die leierskap van Eerste Minister John Vorster het weer sy meerderheid verbeter. Die party het 134 setels behaal, 11 meer as 1974, en meer as enige party vantevore.

Die belangrikste opposisieparty was die Progressiewe Federale Party (PFP), opvolger van die Progressiewe Reformisteparty (en vroeër Progressiewe Party), wat 16,7% van die stemme, en 17 setels, behaal het. Die Nuwe Republiekparty (NRP), die opvolger van die Verenigde Party en voorheen die amptelike opposisie, het net 6,1% van die stemme behaal, 31 setels verloor en met net 10 setels beëindig.

De verregse Herstigte Nasionale Party van Jaap Marais het weer geen setels behaal.

Uitslag[wysig | wysig bron]

Setels in die Volksraad van Suid-Afrika na die 1977-verkiesing

   Nasionale Party: 134 setels

   Progressiewe Federale Party: 17 setels

   Nuwe Republiekparty: 10 setels

   Suid-Afrikaanse Party: 3 setels

   Onafhanklikes: 1 setel

Party Leier % Setels Verandering
Nasionale Party John Vorster 64,8% 135 +15
Progressiewe Federale Party Colin Eglin 16,7% 17 +11
Nuwe Republiekparty[1] Vause Raw 12,1% 10 -31
Herstigte Nasionale Party Jaap Marais 3,2% 0 -
Suid-Afrikaanse Party Myburgh Streicher 1,7% 3 +3
Ander 0,6% 1 +1
Totaal 100% 166 -1

Nasleep[wysig | wysig bron]

Minder as 'n jaar na die verkiesing het adv. Vorster op 20 September 1978 om gesondheidsredes bedank. Hy is deur sy partygenoot Pieter Willem Botha opgevolg. Vorster het staatspresident geword, maar in 1979 moes hy as gevolg van sy aandeel in die Inligtingsdebakel bedank.

Verwysings[wysig | wysig bron]

  1. Voorheen die Verenigde Party