Suid-Afrikaanse algemene verkiesing van 1987

in Wikipedia, die vrye ensiklopedie
Spring na: navigasie, soek
Wapen van Suid-Afrika.png
Suid-Afrikaanse politiek
Nasionale Vergadering
Nasionale Raad van Provinsies
President
Adjunkpresident
Ministers
Speaker van die Nasionale Vergadering
Leier van die Opposisie
Politici
Politieke partye
Grondwetlike Hof
Appèlhof
Hoër Hof
Verkiesings

Die Suid-Afrikaanse parlementsverkiesing van 1987 het op 6 Mei 1987 plaasgevind, gedurende die noodtoestand. Dit is in 1985 aangekondig as gevolg van onrus oor die apartheidsbeleid.

In die aanloop na die verkiesing breek Wynand Malan weg van die regerende Nasionale Party en saam met Denis Worrall, die terugkerende ambassadeur van Suid-Afrika in Londen, vorm hulle die liberale Onafhanklike Party (OP/IP) op 'n platform van dialoog met die opposisie, insluitende die verbode ANC.[1]

Die Konserwatiewe Party, opgerig in 1981 toe dit van die Nasionale Party afgeskeur het onder die leierskap van Andries Treurnicht), het goed gewaar, en word amptelike opposisie te koste van die Progressiewe Federale Party.

Die regerende Nasionale Party (NP) van Staatspresident P.W. Botha het weer 'n oorweldige oorwinning behaal, maar is vir die eerste keer met 'n regse opposisie gekonfronteer. Die vorige amptelike opposisie, die liberale Progressiewe Federale Party van Colin Eglin, het 6 setels verloor.[2] Die OP/IP van Malan het een setel gewen.

Die ultrakonserwatiewe Herstigte Nasionale Party van Jaap Marais het 'n neerlaag verduur met die opkoms van die KP, en het swaar teruggeval vanaf sy posisie in 1981, en kon weer nie 'n setel wen nie. Sy enigste setel, beset deur Louis Stofberg (wat 'n tussentydse verkiesing in 1985 gewen het), is afgestaan.

Staatspresident Botha het die uitslag as 'n legitimering van sy hervormingsbeleid vertolk.

Uitslag[wysig]

  • Tussen ronde hakies by "Setels" die regstreeks verowerde setels. By "Verandering" die absolute verandering vanaf 1981.
Party Leier  % Setels Verskil
Nasionale Party Pieter Willem Botha 52,29% 133 (123) +2
Konserwatiewe Party Andries Treurnicht 26,62% 23 (22) +23
Progressiewe Federale Party Colin Eglin 14,02% 20 (19) -6
Herstigte Nasionale Party Jaap Marais 3,06% 0 (0) -
Nuwe Republiek Party Vause Raw 1,97% 1 (1) -7
Andere, insl. de
Onafhanklike Party
Wynand Malan 1,32% 1 (1) +1
Totaal 100% 178 (166) -

Nasleep[wysig]

In Oktober 1987 breek Wynand Malan met Denys Worrall en vorm die Nasionale Demokratiese Beweging saam met drie wegbrekende parlementariërs van die PFP.[2] In 1989 smelt die PFP, die NDB en die Onafhanklike Party (OP/IP) saam, en vorm die Demokratiese Party.

Verwysings[wysig]

  1. Winkler Prins Encyclopedisch Jaarboek 1988, deur: red. Winkler Prins, bladsy 320
  2. 2,0 2,1 idem