Suurreën

in Wikipedia, die vrye ensiklopedie
'n Beskadigde beukeboom.

Suurreën is reën of enige ander vorm van presipitasie wat ongewoon suuragtig is, dus verhoogde vlakke van waterstofione (lae pH). Reën, sneeu, mis, hael or selfs stof wat neerslaan kan suur wees.[1]

Suurreën ontstaan gewoonlik wanneer swaweldioksied (SO2), stikstofoksides (NOx), ammoniak (NH3) en ander vlugtige organiese stowwe (VOS) oplos in reënwolkeː

  • SO2 + H2O --> H2SO3 (suur)
  • 4NO2 + 2H2O + O2 --> 4HNO3 (suur)
  • NH3 + 2H2O --> HN4OH (basis)

Stikstofoksides (NOx), is 'n versamelnaam vir giftige stikstofmonoksied (NO) en stikstofdioksied (NO2). Ammoniak en vlugtige organiese stowwe word meestal geproduseer deur die uitlaatgasse van motorvoertuie en die verbranding van swawel- en stikstofbevattende brandstowwe soos steenkool, ru-olie, diesel en petrol. Hierdie stowwe reageer met water om sure te vorm. Die uitwerking van suurreën is skadelik vir plante, waterdiere en selfs infrastruktuur. Sedert die 1970's het regerings dwarsoor die wêreld maatreëls ingestel om die produksie van swaweldioksied in die atmosfeer te verminder. Suurreën kan egter ook natuurlik veroorsaak word deur die vorming van stikstofverbindings deur weerlig, of die vrystelling van swaweldioksied deur vulkaniese uitbarstings.

Verwysings[wysig | wysig bron]

  1. "EPA (VSA)" (in Engels). Geargiveer vanaf die oorspronklike op 23 Mei 2020.