Sveinbjörn Sveinbjörnsson

in Wikipedia, die vrye ensiklopedie
Sveinbjörn Sveinbjörnsson
Sveinbjörn Sveinbjörnsson, gravering deur Hans Peter Hansen
Agtergrondinligting
Gebore28 Junie 1847
Seltjarnarnes, Ysland
Sterf2 Februarie 1927
Kopenhagen, Denemarke
GenresKlassiek
Beroep(e)Komponis en pianis

Sveinbjörn Sveinbjörnsson (1847 - 1927) was 'n Yslandse komponis en staan veral bekend vir die melodie van Lofsöngur ("Lofsang"), die nasionale volkslied van Ysland.

Sveinbjörnsson was 'n teologie-student toe hy met 'n jong Noorse violinis en komponis, Johan Svendsen, kennis gemaak het. Svendsen het destyds in Leipzig (Duitsland) afgestudeer en Sveinbjörn aangemoedig om self ook in Leipzig of Kopenhagen musiek te studeer. Sveinbjörn het eers na Kopenhagen gegaan, maar sy studies later in Leipzig voortgesit waar Carl Reinecke sy dosent was. Sveinbjörn het sodoende 'n hoër vlak van musikale opleiding geniet as ander destydse musici in Ysland.

Aangesien daar in die laat 19de eeuse Ysland min geleenthede was om sy loopbaan as musikus te bevorder, het Sveinbjörn hom in Edinburg gevestig. Sy komposisies het hoofsaaklik uit melodieuse liedere of poëtiese kamermusiek in die gees van Felix Mendelssohn bestaan. Sveinbjörn het daarnaas ook 'n aansienlike aantal folkloristiese liedere gekomponeer.

In 1922 het die Alþingi, die Yslandse parlement, besluit om 'n salaris aan hom te betaal sodat hy in staat was om na sy tuisland terug te keer.