Swak wisselwerking

in Wikipedia, die vrye ensiklopedie
Spring na: navigasie, soek

Die swak wisselwerking is in natuurkunde en deeltjiefisika een van die vier fundamentele wisselwerkings van die natuur. Dit word ook swak krag of swak kernkrag genoem. Die ander wisselwerkings is die elektromagnetiese wisselwerking, sterk wisselwerking en swaartekrag.

Die swak wisselwerking is verantwoordelik vir die radioaktiewe verval van subatomiese deeltjies en sit die proses bekend as waterstoffusie in sterre aan die gang. Dit beïnvloed alle bekende fermione, dus deeltjies met ’n halftallige spin.

In die Standaardmodel van deeltjiefisika word die swak wisselwerking teories veroorsaak deur die uitruil (dus emissie of absorpsie) van W- en Z-bosone. As sulks word dit beskou as ’n nie-kontakkrag, nes die ander drie kragte. Dit word "swak" genoem omdat die tipiese veldsterkte daarvan verskeie ordes van magnitude minder is as dié van beide elektromagnetisme en die sterk wisselwerking. Die meeste deeltjies sal mettertyd deur ’n swak wisselwerking verval.


Crystal txt.png Hierdie artikel is vertaal uit die Engelse Wikipedia