Swakopmund

in Wikipedia, die vrye ensiklopedie
Spring na: navigasie, soek
Swakopmund
Stadsprofiel van Swakopmund
Vlag van Swakopmund
Vlag
Ligging van Swakopmund in Erongo
Ligging van Swakopmund in Erongo
Land Namibië
Streek Erongo
Munisipaliteit Stad van Swakopmund Munisipaliteit
Regering
 - Burgemeester Rosina Hoabes
Oppervlakte
 - Totaal 112,9 km² (43,6 myl²)
Bevolking (2003)
 - Totaal 35 675
 - Digtheid 310/km² (802,9/myl²)
Tydsone Suid-Afrikaanse Standaardtyd (UTG+2)
Areakode(s) +264 (0)64
Webwerf: http://www.swkmun.com.na/

Swakopmund is 'n dorp in Namibië met 'n oppervlak van 112,9 vierkante kilometer en 'n geskatte bevolking van 34 326 (2010), wat in 1892 as die hoofhawe van die destydse Duitse kolonie Suidwes-Afrika gestig is. Dit is aan die mond van die Swakoprivier in die Atlantiese Oseaan geleë, sowat 40 km noord van Walvisbaai (voorheen 'n Suid-Afrikaanse enklawe) en 378 km wes van die hoofstad, Windhoek.

Swakopmund staan bekend as een van die besbewaarde voorbeelde van Duitse art déco-argitektuur ter wêreld. Die dorp is ook al die "Durban van Suidwes" genoem, omdat dit reeds sedert die Duitse koloniale tydperk Namibië (vroeër Suidwes-Afrika) se gewildste vakansieoord aan die kus is. Dit val sedert onafhanklikheidwording van die land in die administratiewe distrik Erongo.

Geskiedenis[wysig]

Swakopmund het uit 'n Duitse militêre stasie ontstaan, wat in 1892 of 1893 hier gestig is as hawe, omdat die Duitsers hulle eie hawe wou hê naas die Brits-beheerde Walvisbaai. In 1909 het dit het dorpstatus verkry.

Die water is ysig, maar die strande is ruim. Daar is goeie geleenthede vir branderplankry en hengel. Die naam is afgelei van die Nama-woord tsoa ("agterent") en xoub ("uitwerpsel"), wat verwys na die modder en opdrifsels langs die rivier in vloedtye.

In die eerste jare na die onafhanklikheid van Namibië in 1990, het Swakopmund se raad die oorspronklike Duitse en Afrikaanse straatname verander om meesal SWAPO-politici te vereer.

Die geskatte bevolking in 2006 was 26 746, waarvan 'n beduidende persentasie Duitssprekend was. Só oorwegend was die Duitse invloed hier, dat die gemeente van die NG Kerk eers in 1957 gestig is. Weens die aantreklike klimaat het die Afrikaanse bevolking mettertyd dié van baie "meer Afrikaanse" nedersettings soos Keetmanshoop, Gobabis en Mariental verbygesteek. Die gemeente Hentiesbaai is in 1995 afgestig van Swakopmund, wat sedertdien weer aangegroei het tot meer belydende lidmate as voor afstigting.

Ekonomie[wysig]

'n Lugfoto van Swakopmund

Die ekonomie van Swakopmund word nog steeds deur die plaaslike Duitse gemeenskap oorheers. Die toerisme en handel is die belangrikste bedrywe. Swakopmund lok nie net baie Europese toeriste nie, maar is ook 'n gewilde vakansieoord vir Namibiese toeriste. Dit het ook 'n gewilde woonplek vir afgetredenes uit Namibië en Suid-Afrika geword. 'n Grootskaalse bouprojek, die Waterfront, sal met sy nuwe strandgeriewe en 'n gholfbaan die aantreklikheid van Swakopmund as 'n toeristebestemming verder verhoog.

Een van die bekendste ondernemings op die dorp is die Hansa-brouery van Namibia Breweries Ltd.

Besienswaardighede[wysig]

Swakopmund Jetty

Van die besienswaardighede dagteken uit die Duitse koloniale tydperk, soos die Lutherse kerk, vuurtoring en doeanegebou, asook die imposante stasiegebou wat in die jare 90 van die vorige eeu as deel van die kasino-ontwikkeling opgeknap is.

Bronnelys[wysig]

  • Raper, P.E., Dictionary of South African Place Names, Lowry Publishers, Johannesburg, 1987.
  • Mayhew, Vic, Illustrated Guide to Southern Africa, Reader's Digest, Kaapstad, 1980
  • World Gazetteer
  • Swakopmund
Commons
Wikimedia Commons het meer media verwant aan:
Swakopmund (bladsy)

Sien ook[wysig]

Eksterne skakels[wysig]