Swart Ekonomiese Bemagtiging

in Wikipedia, die vrye ensiklopedie
Spring na: navigasie, soek

Die begrip van Swart Ekonomiese Bemagtiging (SEB) is deur die Kommissie van Swart Ekonomiese Bemagtiging gedefinieer as 'n geïntegreerde sosio-ekonomiese proses wat in Suid-Afrika se transformasieplan geïntegreer is. Die doel daarvan is om die wanbalanse van die verlede te herstel deur te poog om die eienaarskap, bestuur en beheer van Suid-Afrika se finansiële en ekonomiese hulpbronne aan die meerderheid van sy burgers oor te dra. Die doel is om breër deelname aan die ekonomie deur swartmense te verseker om volhoubare ontwikkeling en vooruitgang te bereik. Swart Ekonomiese Bemagtiging word deur die wet vereis en maatskappye moet dus SEB in hul organisasies instel. Ondernemings kan SEB implementeer, of dit nie implementeer nie en 'n aansienlike hoeveelheid besigheid ontneem word, of selfs voor regsaksie te staan kom.

Regverdiging[wysig]

Die Suid-Afrikaanse grondwet regverdig sekere vorme van diskriminasie. Teen die einde van apartheid in 1994 en met die aanvang van meerderheidsregering, was die beheer van groot ondernemings in beide die openbare as die publieke sektore grotendeels in wit hande. Dit was 'n ernstige wanbalans, aangesien witmense vir ongeveer minder as 10% van die gehele bevolking van Suid-Afrika uitmaak, wat beteken het dat die land se ekonomie daadwerklik deur 'n verskriklik klein gemeenskap beheer is. SEB se doel is om die Suid-Afrikaanse ekonomie te transformeer sodat dit die demografiese samestelling van die land verteenwoordig.

SEB is meer daarop gemik om swartes te bevoordeel. Dit is eerder regstellende aksie wat die meeste kritiek ontlok van teenstanders teen diskriminasie. Die Suid-Afrikaanse regering ag egter steeds beide strategieë as noodsaaklik tot die ontwikkeling van Suid-Afrika in 'n welvarende staat en dit is ook een van die amptelike doelwitte wat deur die regerende party, die ANC, daargestel is.