Swarthaak

in Wikipedia, die vrye ensiklopedie
Spring na: navigasie, soek
Swarthaak
Wetenskaplike klassifikasie
Koninkryk: Plantae
(geen rang): Angiosperms
(geen rang): Eudicots
(geen rang): Rosids
Orde: Fabales
Familie: Fabaceae
Genus: Acacia
Spesie: A. mellifera
Binomiale naam
Acacia mellifera
(M.Vahl) Benth.
Verspreiding
Verspreiding
Sinonieme
  • Mimosa mellifera M. Vahl[1]

Die Swarthaak (Acacia mellifera) is 'n algemene doringboom in Afrika. Die naam mellifera verwys na die boom se soetgeurige bloeisels en heuning. Die hout word pikswart as dit geolie word. Die boom staan in Engels as die Blackthorn bekend. Dit is gelys as nie bedreigd.[1]

Verspreiding[wysig]

Die Swarthaak kom in die droë gebiede van Afrika en die Arabiese Skiereiland voor.[1]

Eienskappe[wysig]

Die Swarthaak kan as 'n meerstammige bos van tot sewe meter hoog met 'n min of meer tregtervormige kroon groei, of as 'n boom met 'n enkele stam wat tot nege meter hoog kan word. Dit kan 'n ondeurdringbare bos vorm. In sommige dele van Afrika word dit as 'n indringer beskou omdat dit landbougrond kan binnedring en oor groot gebiede kan versprei.

Gebruike[wysig]

In Afrika word die boom vir omheining, veevoer en die bou van hutte gebruik. Dit blomme is 'n bron van nektar vir heuning-produserende bye. Die hout is ook gesog vir brandstof en die maak van houtskool.[2]

Dieregebruike[wysig]

Die boom is 'n belangrike voedselbron vir beeste en wilde diere, veral in die droë gebiede van Afrika. Die blare en jong takke is besonder voedsaam en bevat 'n hoë persentasie proteïene. Die blomme word dikwels deur koedoes gevreet. Diere soos olifante, swartrenosters, kameelperde en elande vreet graag die blare.

Subspesies[wysig]

  • Acacia mellifera (Vahl) Benth. subspesie detinens (Burchell) Brenan
  • Acacia mellifera (Vahl) Benth. subspesie mellifera[3]

Verwysings[wysig]

  1. 1,0 1,1 1,2 ILDIS LegumeWeb
  2. Trees of Kenya, Tim Noad and Ann Birnie (1989) ISBN 9966-848-95-9
  3. ILDIS

Eksterne skakels[wysig]