Swazi's

in Wikipedia, die vrye ensiklopedie
Spring na: navigasie, soek
Swazi's
Ssa clem 48.jpg
Totale bevolking: 3 500 000
Belangrike bevolkings  in: Suid-Afrika (1 156 000), Swaziland (951 000), Zimbabwe (71 000), Mosambiek (1 300).
Taal: Swazi, Engels, Afrikaans, Portugees
Geloofsoortuiging: Christene
Verwante etniese groepe: Bantoe.

Die Swazi's is 'n Bantoevolk in Suider-Afrika. Hulle woon hoofsaaklik in Swaziland, Suid-Afrika en in die suide van Mosambiek. Die Swazi's se taal is Swazi. Van die 1,5 miljoen Swazi's woon 'n groot deel (ongeveer 40%) in Suid-Afrika.

Geskiedenis[wysig]

Die onafhanklike staat van Swaziland het sy oorsprong in die agttiende eeu met die integrasie van Nguni- en Sotho-elemente. Oorspronklik het die Sotho die noordelike streke van Swaziland bewoon en die Nguni die suidelike streke.

Sedert 1820 is hulle onderwerp aan die Nguni-stamhoof Sobhuza I van die Ngwane-stam. Sy seun, Mswati, wat uiteindelik die Sotho onderwerp het, het die unifikasieproses voltooi en Mswati III heers vandag oor die hele Swazi-koninkryk. Die Sotho-sprekende volke is òf deur die proses geabsorbeer òf weggedryf en groot getalle Nguni-vlugtelinge vanuit KwaZulu-Natal het hulle by die Swazi aangesluit.

Vandag[wysig]

Met die totstandkoming van Swaziland is baie etniese Swazi's uit die nuwe staat uitgesluit en 40% woon tans in Suid-Afrika.

Die mense wat in hierdie klein koningkrykie woon, is nou verwant aan hul Zoeloe-bure, en daar is weinig verskil tussen hulle tale.[1] Die Swazi's is tradisioneel landbouers en vee speel 'n belangrike rol. 'n Kenmerkende Swazi-tradisie is die jaarlikse rietdans, wat gewoonlik in die lente begin. Jong maagde - waarvan een deur die Swazi-koning tot nuwe vrou gekies word - voer hierdie seremonie uit. Vandag betrek hierdie geleentheid honderde jong meisies, wat met varsgeplukte riete en geklee in kleurvolle tradisionele krale vir langer as sewe dae voor 'n groot gehoor swaai en sing.

Sien ook[wysig]

Verwysings[wysig]

Commons-logo.svg
Wikimedia Commons het meer media verwant aan:
Swazi's (kategorie)


Etniese groepe in Suid-Afrika Flag of South Africa.svg

AfrikanersAnglo-AfrikaneAsiateBasothoGriekwasKaap-MaleiersKhoisanKleurlingeNdebelesSwazi'sTsongasTswanasVendasXhosasZoeloes