Sweedse kroon
Die Sweedse kroon (Sweeds: krona, meervoud: kronor) is die geldeenheid van Swede.
Inhoud |
[wysig] Geskiedenis
Die kroon is as gevolg van die Skandinawiese Monetêre Unie in 1873 ingevoer en het sodoende die Riksdaler as wettige betaalmiddel vervang. Die kroon het tot by die Eerste Wêreldoorlog as die gemeenskaplike geldeenheid van Swede, Noorweë en Denemarke gedien. Al drie lande het ná die ontbinding van hul monetêre unie besluit om hul nuwe en onafhanklike nasionale geldeenhede steeds ”kroon“ te noem en 'n vaste wisselkoers volgens die goudstandaard toe te pas.
[wysig] Banknote en muntstukke
Op die Sweedse een-kroon-muntstuk word tradisioneel die portret van die Sweedse monarg of monargin op een en die staatswapen (of die koninklike kroon) op die ander kant afgebeeld. Daarnaas verskyn ook die koninklike leuse op die muntstuk.
Die historiese voorlopers was die „Riksdaler“ (wat in 48 ”Skilling Banco“ opgedeel is). Die nuwe Riksdaler is vanaf 1858 in 100 öre opgedeel.
| Geldwaarde | Portret |
|---|---|
| 20 | Selma Lagerlöf |
| 50 | Jenny Lind |
| 100 | Carl von Linné |
| 500 | Karl XI (voorkant) Christopher Polhem (agterkant) |
| 1000 | Gustav I Wasa |
| Geldwaarde | Afbeelding |
|---|---|
| 0,50 | Drie krone |
| 1 | Portret van die koning |
| 5 | Die koning se voorletters |
| 10 | Portret van die koning |
Volgens 'n besluit van die Sweedse parlement sal die 50-öre-muntstukke op 30 September 2010 afgeskaf word.[1]
[wysig] Eksterne skakels
- www.riksbank.se – Webtuiste van die Sweeds Ryksbank (ook in Engels beskikbaar)
- Beelde van Sweedse muntstukke
