Tünel

in Wikipedia, die vrye ensiklopedie
Spring na: navigasie, soek
Die Tünel is op 7 Januarie 1875 ingewy.
Profiel van die Tünel, van Chemin de fer métropolitain de Constantinople deur Eugène-Henri Gavand (1876).
Op pad.

Die Tünel (Afrikaans: Tonnel) is ’n kort ondergrondse treinspoor in Istanboel, Turkye. Dit het net twee stasies en verbind die distrikte Karaköy en Beyoğlu. Dis aan die noordelike kus van die Goue Horing geleë en loop sowat 573 meter ver opdraand van naby seevlak af.[1]

Dit is op 7 Januarie 1875 ingewy[1] en is die tweede oudste ondergrondse stedelike spoorlyn in die wêreld naas die Londense moltrein (1863).

’n Reis tussen die twee stasies neem sowat 1,5 minute teen sowat 25 km/h. Twee treine loop gelyktydig en ry in die middel by mekaar verby op ’n dubbele stuk spoor.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. 1,0 1,1 The Tunnel”. IETT. URL besoek op 2009-06-20.

Eksterne skakels[wysig]